Gwasanaeth Cymorth Iechyd Meddwl Sylfaenol

Mae'r Gwasanaethau Cymorth Iechyd Meddwl Sylfaenol (PMHSS) yn wasanaeth penodol ar gyfer oedolion 18 oed a hŷn sy'n delio â heriau iechyd meddwl cyffredin fel iselder a gorbryder. Rydym yn croesawu atgyfeiriadau gan Feddygon Teulu a thimau a gweithwyr iechyd meddwl proffesiynol eraill. 

Mae ein gwasanaeth wedi'i gynllunio'n benodol ar gyfer unigolion sy'n ceisio dysgu strategaethau newydd ar gyfer hunangymorth ac i  reoli eu problemau iechyd meddwl. Rydym yn darparu asesiadau ac amrywiaeth o ymyriadau byr i helpu pob person i lunio cynllun personol wedi'i deilwra i'w hanghenion iechyd meddwl. 

Mae'r PMHSS yn ymestyn ei wasanaethau ar draws Caerdydd a Bro Morgannwg. Fodd bynnag, nodwch nad yw ein gwasanaeth wedi'i fwriadu ar gyfer unigolion sydd angen gofal mewn argyfwng, gofal brys neu arbenigol iawn. 

Mae ein tîm yn cynnwys gweithwyr proffesiynol o wahanol ddisgyblaethau iechyd meddwl, sydd wedi ymrwymo i ddarparu cefnogaeth o safon. Ein nod yw estyn allan at bob unigolyn a gyfeirir o fewn 28 diwrnod i gynnig asesiad, a gynhelir fel arfer dros y ffôn. Yn dilyn yr asesiad, gall unigolion dderbyn gwybodaeth a chyngor, cael eu cyfeirio at amrywiaeth o wasanaethau lleol, cael cynnig ymyriadau gan ein tîm, neu gael eu hatgyfeirio at dîm arall y GIG, yn seiliedig ar eu hanghenion penodol. 

Beth Allwn Ei Gynnig

Yn PMHSS, rydym yn darparu amrywiaeth eang o adnoddau i gynorthwyo'r rhai yr ydym yn eu hasesu ar eu taith tuag at wella iechyd meddwl. Mae ein hystod eang o gyrsiau a deunyddiau hunangymorth ar gael trwy ein gwefan, Stepiau. Mae ein cynigion yn cynnwys, ond heb fod yn gyfyngedig i: 

• Adnoddau Hunangymorth 

• Cyfeirio at wasanaethau lleol 

• Cyfeirio at amrywiaeth o Gyrsiau Mynediad Agored 

• Sesiynau Grŵp Therapiwtig 

• Ymyriadau Seicolegol Byr 

• Atgyfeirio at wasanaethau eraill 

​​​​