Wardiau Heintiau Arbennig

Gwelyau Heintiau Arbennig Ffeibrosis Systig Ward Gorllewin 2 a Dwyrain 2

Mae Gorllewin 2 yn ward anadlol feddygol, sydd â 26 gwely yn ogystal â gwely achosion dydd ychwanegol ar gyfer apwyntiadau cleifion allanol a thriniaethau clinigol anadlol. Mae dwy ystafell wely bwrpasol ar gyfer ffeibrosis systig, y ddwy â’u cyfleusterau ymolchi eu hunain; un gydag en-suite a’r llall gydag ystafell ymolchi gyferbyn iddi. Mae staff y ward yn ymdrechu i ddarparu gofal o’r safon uchaf i gleifion ac yn gobeithio y byddai cleifion a pherthnasau yn cytuno â hynny.

Bydd yr holl gleifion CF a dderbynnir i welyau CF Gorllewin 2 a Dwyrain 2 yn derbyn yr un lefel o ofal â’r rhai sy’n cael gofal ar y ward CF. Bydd y tîm amlddisgyblaethol CF yn darparu’r un mewnbwn yn union ag yr hyn y mae’r cleifion hynny ar y ward CF yn ei dderbyn. Bydd yr holl gleifion yn cael mewnbwn ffisiotherapi ac ymarfer corff dyddiol gan dîm ffisiotherapi CF, yn ogystal â mewnbwn deietegol CF, cefnogaeth seicogymdeithasol a mewnbwn gan Dîm CNS CF.

Bydd y Clinigwyr CF yn darparu eich gofal clinigol ac yn rheoli eich arhosiad cyfan fel claf mewnol. Bydd tîm y CNS neu unrhyw aelod o dîm amlddisgyblaethol CF yn gallu darparu unrhyw beth ychwanegol sydd ei angen arnoch i sicrhau bod eich arhosiad fel claf mewnol yr un peth â phrofiad ein cleifion heb heintiau arbennig.