Gwybodaeth am y Clinig Cleifion Allanol
Cynhelir pob un o’n clinigau cleifion allanol CF ar lawr gwaelod y Ganolfan CF, ac eithrio clinigau Mycobacterium abscessus a Burkholderia cenocepacia, a gynhelir naill ai yn y brif ystafell cleifion allanol neu yn ein hystafell ymgynghori heintiau arbennig sengl sydd wedi’i lleoli o flaen y ganolfan CF (yn wynebu’r brif ffordd). Bydd lleoliad eich adolygiad yn cael ei nodi’n glir ar eich llythyr clinig.
Gofynnwn i chi gadw cofnod o pryd mae eich apwyntiad nesaf a rhoi gwybod i ni cyn gynted â phosibl os na allwch ddod ar y dyddiad/amser a roddwyd fel y gallwn gynnig y slot i glaf arall. Yn ddelfrydol, o leiaf 72 awr cyn apwyntiad clinig arferol wedi’i gynllunio ac o leiaf 1 wythnos ar gyfer adolygiad blynyddol lle bo modd. Bydd hyn yn ein helpu i gynnal y gwasanaeth cleifion allanol yn ddidrafferth ac effeithlon, gan sicrhau bod pob slot apwyntiad yn cael ei lenwi fel y bo’n briodol.
Mae cleifion â CF mewn perygl o draws-heintio â germau gan bobl eraill â CF; felly, trefnir ein clinigau i leihau unrhyw risg bosibl. Mae’n bwysig, felly, i chi ddod i’ch apwyntiad ar amser, oni bai eich bod wedi cysylltu â ni i roi gwybod y byddwch yn hwyr oherwydd problemau fel parcio neu dagfeydd traffig. Neilltuir slot apwyntiad penodol i sicrhau ein bod yn gallu dyrannu ystafell ymgynghori clinig i chi cyn gynted ag y byddwch yn cyrraedd. Mae pob un o’r ystafelloedd hyn yn cael eu glanhau cyn ac ar ôl i bob claf eu defnyddio. Cynigir apwyntiadau clinig rhithwir ar gyfer pob clinig trwy drefniant.
Os na allwch fynychu eich apwyntiad, cysylltwch â’r cydlynydd CF i aildrefnu; 02920 715987
Clinigau Lloeren
Bydd clinigau lloeren yn Aneurin Bevan a Chwm Taf, sydd wedi’u hatal ers dechrau’r pandemig Covid-19, yn cael eu hailsefydlu cyn gynted â phosibl. Bydd cynlluniau i sefydlu clinig lloeren yn ardal Bae Abertawe yn ailddechrau yn y dyfodol agos.
Ymgynghoriadau Rhithwir - Adnoddau i Gleifion
Clinigau Cleifion Allanol
| Diwrnod yr Wythnos | Morning | Afternoon |
|---|---|---|
| Dydd Llun |
|
|
| Dydd Mawrth |
|
|
| Dydd Mercher |
|
|
| Dydd Iau |
|
|
| Dydd Gwener |
|
|