Gwasanaeth Seicoleg a Gofal Cefnogol Ffeibrosis Systig Cymru Gyfan i Oedolion

Gall byw gyda ffeibrosis systig a'i driniaeth ysgogi ystod o deimladau anodd. Gall y rhain gynnwys gofid, rhwystredigaeth, drwgdeimlad, straen neu deimlo'n isel. Mae'n normal teimlo rhywfaint o bryder neu ofid wrth fyw gyda chyflwr iechyd. Weithiau gall y teimladau hyn barhau am amser hir neu deimlo fel gormod i ddelio â nhw, a dechrau effeithio ar eich gallu i ymdopi â bywyd o ddydd i ddydd.

Mae’r gwasanaeth seicoleg ffeibrosis systig yn arbenigo mewn helpu pobl i ymdopi ac addasu i straen emosiynol byw gyda ffeibrosis systig.

Pwy ydym ni?

Ein seicolegwyr clinigol:

Gallwch gysylltu â ni trwy ofyn i un o'r tîm eich atgyfeirio.  Fel arall, gallwch gysylltu â ni yn uniongyrchol
Rhif ffôn: 029 21 824597

Ymunodd Dr Bryne â thîm amlddisgyblaethol CF nifer o flynyddoedd yn ôl ac mae’n cynnig cyfraniad amhrisiadwy i les parhaus cleifion CF sydd â phroblemau sylweddol yn ymwneud â phoen a rheoli symptomau. Bydd llawer o’n cleifion wedi meithrin perthynas ardderchog gyda Dr Byrne, yn dilyn ei gyfraniad i’w cynlluniau rheoli gofal parhaus; gyda phob un ohonynt wedi cael budd o gael mewnbwn gofal cefnogol/CF ar y cyd.

 Dr Anthony BYRNE

Mae Dr Byrne hefyd yn darparu mewnbwn amhrisiadwy mewn perthynas â materion diwedd oes, yn ogystal â sicrhau bod gofal integredig cydgysylltiedig yn cael ei ddarparu er mwyn diwallu anghenion newidiol cleifion, bod llwybrau rheoli ar y cyd yn eu lle, a bod disgwyliadau cleifion yn cael eu bodloni yn unol â’u dymuniadau.

Pa fath o broblemau allwn ni helpu gyda nhw?

Rydym yn gweld pobl sy'n cael pob math o anawsterau. Mae’r rhestr isod yn cynnwys rhai o’r problemau y gallwn eich helpu gyda nhw:

• Ymdopi â thriniaethau y gallech deimlo'n bryderus neu dan straen yn eu cylch. Er enghraifft, delio â nodwyddau a phrofion gwaed, cymryd tabledi, cael llawdriniaeth a phrofion meddygol eraill.
• Eich helpu i wneud penderfyniadau am eich triniaeth.
• Rheoli symptomau fel poen, blinder a symptomau corfforol eraill a newidiadau corfforol.
• Delio ag effaith y cyflwr ar eich bywyd: gyda choleg neu waith, ffrindiau a chydberthnasau.
• Delio â'r teimladau o gael CF, er enghraifft, teimlo'n wahanol i bobl eraill neu deimlo'n grac.
• Helpu gyda phroblemau bwyta, cysgu, neu symud o gwmpas.
• Iselder, gorbryder neu bryder.
• Meddwl a ddylid dechrau teulu.

Gwybodaeth Ddefnyddiol

Rydym wedi casglu gwybodaeth at ei gilydd am ystod o wasanaethau a allai fod yn ddefnyddiol ar gyfer delio â straen byw gyda ffeibrosis systig. Gall cleifion a'u teuluoedd gael mynediad at y gwasanaethau hyn, ac nid oes angen atgyfeiriad.

Mae croeso i chi gysylltu â'n gwasanaeth os oes gennych unrhyw gwestiynau. Gallwch gysylltu â ni trwy ofyn i un o'r tîm eich atgyfeirio.  Fel arall, gallwch gysylltu â ni’n uniongyrchol dros y ffôn: 02921 824597. 

Cylchlythyr

I gael y wybodaeth ddiweddaraf gan wasanaeth AWACF darllenwch ein cylchlythyr rheolaidd. 

Cwnsela a Chymorth 

Mae gan yr Ymddiriedolaeth Ffeibrosis Systig ystod wych o gymorth a gwybodaeth gyfredol am Ffeibrosis Systig. Dyma rai o’r ffyrdd y gallant eich cefnogi -Cymorth (cysticfibrosis.org.uk)
 

Ymwybyddiaeth Ofalgar

Os nad ydych erioed wedi rhoi cynnig ar ymwybyddiaeth ofalgar o'r blaen, gallai hwn fod yn amser da i roi cynnig arni.  Rydym wedi recordio 3 ymarfer ymwybyddiaeth ofalgar byr i chi roi cynnig arnynt.