Apwyntiadau a Chlinigau
Gellir cynnal ymgynghoriadau dros y ffôn, ymgynghoriadau fideo ac wyneb yn wyneb.
Os yw eich apwyntiad wyneb yn wyneb, gwiriwch leoliad yr apwyntiad gan ein bod yn gweld cleifion mewn lleoliadau amrywiol ledled Caerdydd a'r Fro a Chwm Taf.
Ar gyfer clinigau ffôn a fideo byddwch yn derbyn llythyr gydag amser apwyntiad bras, ond efallai y bydd y meddyg/gweithiwr gofal iechyd proffesiynol yn cysylltu â chi o fewn awr neu ddwy cyn neu ar ôl yr amser a drefnwyd.
Mynychu eich apwyntiad drwy fideo.
Atgyfeiriadau newydd
Bydd pob atgyfeiriad newydd a dderbyniwn yn cael ei adolygu gan feddyg. Byddant yn asesu pa mor fuan y bydd angen i chi gael eich gweld, ac a oes angen trefnu unrhyw brofion eraill ymlaen llaw.
Efallai y byddwn yn cysylltu â chi dros y ffôn i drafod eich atgyfeiriad.
Byddwch yn aros ar y rhestr aros hyd nes y cynigir apwyntiad i chi oni bai eich bod yn gwrthod mynychu.
Trwythiadau (DMT)
Croeso i'r Uned Ddydd Niwroleg (NDU). Rydym yn dîm o Feddygon Niwroleg, Nyrsys, gweithwyr Cymorth Gofal Iechyd a staff gweinyddol sy'n gweithio gyda'i gilydd i sicrhau bod yr NDU yn rhedeg yn esmwyth. Mae'r NDU yn darparu gofal i bobl ag amrywiaeth eang o gyflyrau Niwrolegol ond mae nifer fawr o'n defnyddwyr gwasanaeth yn bobl ag MS. Lle bo modd, mae nyrs MS hefyd yn darparu gofal yn ogystal â nyrs Niwroleg ond mae gan bob tîm wybodaeth a phrofiad helaeth o Niwrowyddoniaeth ac MS.
Mae'r Uned Ddydd Niwroleg wedi'i lleoli yn yr Adran Cleifion Allanol yn Ysbyty Athrofaol Cymru yn Ystafell 2.
Mae gan Ystafell 2 hefyd ystafelloedd clinig a ddefnyddir yn ychwanegol at yr Adran Cleifion Allanol Niwroleg yn Ystafell 16. Gellir dod o hyd iddi trwy droi i'r chwith o'r prif goridor tuag at y Clinigau Cleifion Allan a dyma'r 2il glinig ar y chwith.
Mae'r Uned Ddydd Niwroleg yn Uned 6 gwely gydag 1 ciwbicl ar gyfer ymchwiliadau fel Pigiadau yn y Lwynau. Mae gan bob Ystafell 2 gadair lle caiff triniaethau eu rhoi. Rydym yn rhoi triniaethau mewnwythiennol ac isgroenol fel Natalizumab, Ocrelizumab, Alemtuzumab a Rituximab yn ogystal â'r triniaethau a roddir ar gyfer cyflyrau niwrolegol eraill, ac yn cynorthwyo'r Meddygon mewn ymchwiliadau yn ôl yr angen. Yn dibynnu ar y driniaeth efallai y byddwch yma am rhwng 20 munud a 7 awr. Bydd ein staff yn sicrhau eich bod yn cael eich monitro ac y darperir gofal ar eich cyfer yn ystod yr amser hwn. Gallwn ddarparu te, coffi a brechdanau ond os ydych angen unrhyw fyrbrydau neu ddiodydd ychwanegol rydym yn eich cynghori i ddod â'ch rhai eich hun.
Os oes gennych unrhyw gwestiynau am eich apwyntiad neu driniaeth neu os na allwch ddod, cysylltwch â ni ar 02920743280 rhwng 08.00 a 16.00.
Byddwn yn defnyddio mesurau rheoli heintiau yn yr uned ddydd i leihau'r risg o haint. NI DDYLECH fynychu os ydych yn teimlo'n sâl neu os bydd rhywun yn eich cartref yn sâl. Os yw hyn yn wir, ffoniwch 02920 743280.