Cael y wybodaeth ddiweddaraf

Ymwybyddiaeth gyfredol 

Mae KnowledgeShare yn darparu diweddariadau wedi’u targedu’n uchel yn seiliedig ar eich diddordebau proffesiynol. Gallwch nodi grwpiau oedran, gosodiadau, grwpiau proffesiynol a meysydd pwnc, a dewis amlder eich diweddariadau. I gofrestru, llenwch y ffurflen gofrestru ar-lein hon.

UpToDate 

Mae UpToDate yn adnodd cymorth penderfyniadau clinigol. Mae adolygiadau testun UpToDate yn ymdrin â phob prif agwedd ar gyflwr penodol, gan gynnwys symptomau, profion, diagnosis ac opsiynau o ran triniaeth. Mae deunyddiau gwybodaeth i gleifion ar gael hefyd. Mae ar gael yn Search - UpToDate. 

I gael mynediad at yr ap, gan ddefnyddio cyfrifiadur BIPCAF, cliciwch ar “Cofrestru” ar ochr dde uchaf yr hafan UptoDate er mwyn creu cyfrif. Gallwch nawr ei lawrlwytho i’ch ffôn o’ch siop apiau arferol.

BMJ Best Practice 

Mae BMJ Best Practice yn offeryn cefnogi penderfyniadau clinigol, sydd wedi’i strwythuro’n unigryw o amgylch yr ymgynghoriad â chleifion, gyda chyngor ar werthuso symptomau, trefnu profion a dull triniaeth. Mae’n cynnwys taflenni gwybodaeth i gleifion. 

Canllawiau, gweithdrefnau a llwybrau clinigol, a gwybodaeth am feddyginiaethau

Mae e-Lyfrgell GIG Cymru yn darparu dolenni i nifer o ffynonellau, gan gynnwys BNF, BNFC, iRefer, Medicines Complete, a WISDOM, yn ogystal â’r Royal Marsden Manual of Clinical Nursing Procedures. 

ClinicalKey

Mae ClinicalKey  yn rhoi mynediad i grynodebau clinigol, 600+ o gyfnodolion, 1,150+ o lyfrau, adolygiadau systematig, canllawiau ymarfer, gwybodaeth i gleifion a 18,000 o fideos a delweddau sy’n ymwneud â’r holl arbenigeddau meddygol a llawfeddygol. Mae’n cynnwys taflenni gwybodaeth mewn sawl iaith. Darperir mynediad gan e-Lyfrgell GIG Cymru.

Os oes gennych unrhyw broblemau wrth ddefnyddio'r adnoddau hyn, cysylltwch â ni:  e-bost cochraneliby@cardiff.ac.uk, neu drwy ffôn 02920 716255.