Gwirfoddolwr Llais y Claf

Mae Gwirfoddolwyr Llais y Claf yn sicrhau bod lleisiau ein cleifion yn cael eu clywed. Mae arolygon adborth cleifion yn hanfodol i hyn gan ein bod ni eisiau darparu'r gofal gorau posibl bob amser. Mae hon yn rôl bwysig i unrhyw un sy'n angerddol am ein GIG. Mae Gwirfoddolwyr Llais y Claf yn ganolog i bopeth y mae Tîm Adborth Profiad y Claf yn ei wneud. Maent yn gweithio gyda'r tîm adborth cleifion ac yn cefnogi timau clinigol ar wardiau ysbytai ac adrannau clinigol i greu a chasglu adborth gan gleifion sy'n ein helpu i lunio a gwella ein gwasanaethau hanfodol.

Rydym yn chwilio am bobl sy'n angerddol am ein GIG, sy'n mwynhau siarad ag eraill i rannu eu barn a'u profiadau, ac sy'n hyderus yn gwirfoddoli ar eu pen eu hunain neu mewn tîm.

Rhaid i chi feddu ar sgiliau gwrando rhagorol a bod yn anfeirniadol. Dylech fod yn hyderus wrth gyfathrebu â chleifion, defnyddwyr gwasanaeth, ymwelwyr, staff ac aelodau cyffredinol o'r cyhoedd.

Dylech chi ddangos empathi a dealltwriaeth bob amser.

Byddai profiad o fod yn gyfaill yn ddefnyddiol.

Rydym yn chwilio'n benodol am wirfoddolwyr llais y claf yn Ysbyty Plant Cymru (Arch Noa yn Ysbyty Athrofaol Cymru) ar gyfer arolygon sy'n dechrau ym mis Gorffennaf 2026.

Mae'r rôl hon yn ymrwymiad o 2 awr yr wythnos o leiaf – ar wardiau ac adrannau cleifion allanol yn unrhyw un o safleoedd ysbytai Caerdydd a'r Fro.

Mae mwy i'r rôl, ac rydym yn eich annog i ddarllen y disgrifiad llawn o rôl y gwirfoddolwr cyn penderfynu a yw'r rôl ar eich cyfer chi. 

Gwneud cais ar-lein

Rhaid i chi fod yn 18 oed neu'n hŷn i wirfoddoli yn y rôl hon. Nid yw'r rôl hon yn cynnwys eiriolaeth na chwnsela.

Darllenwch y Canllawiau Ymgeisio ar y dudalen we cyn gwneud cais am y rolau hyn. Bydd lleoedd yn gyfyngedig a bydd ymgeiswyr llwyddiannus yn cael eu dewis yn dilyn cyfweliad. 

Os oes angen cymorth arnoch gyda'ch cais, neu gefnogaeth bellach i wneud y broses recriwtio'n fwy hygyrch i'ch anghenion, cysylltwch â'r Tîm Gwasanaethau Gwirfoddol i drafod sut allwn ni eich helpu.

Ebost: volunteer.enquiries.cav@wales.nhs.uk