Adnoddau'r NICU

Mae'r gwefannau canlynol yn cynnwys rhagor o wybodaeth ddefnyddiol

1. Mae'r Ganolfan Gwaed Llinyn Bogail yn sefydliad newydd pwrpasol ar gyfer hybu buddion cadw banc cyhoeddus o waed llinyn bogail. Mae gwaed llinyn bogail wedi helpu plant i oroesi dros 80 o glefydau, gan gynnwys lewcemia, lymffoma ac anemia, ac mae bellach yn cael ei ddefnyddio ymhlith pobl hŷn. Ein cenhadaeth yw helpu pobl eraill i ddeall sut y gallant fod o fudd i blant sâl mewn angen a helpu i achub eu bywyd. 
2. Sefydlwyd Cymdeithas Meddygaeth Amenedigol Prydain (BAPM) ym 1976 a'i nod yw gwella safon gofal amenedigol yn y DU. Mae BAPM yn ymwneud â: diffinio safonau ar gyfer staffio, crudiau, cyfarpar a chyfleusterau; paratoi canllawiau rheoli; archwilio canlyniad gofal amenedigol a chynghori ar hyfforddi meddygon y dyfodol ym maes meddygaeth amenedigol. Hefyd, mae'r gymdeithas yn rhoi cyngor i'r llywodraeth ar ddatblygu a gwella gofal amenedigol ac mae ei chynrychiolwyr yn aelodau o nifer o weithgorau cenedlaethol.