Anhwylderau Plentyndod

Fel y gŵyr y rhan fwyaf o rieni, mae plant yn aml yn datblygu amryw afiechydon ac anhwylderau. Os yw eich plentyn yn dioddef o unrhyw un o'r canlynol, nid oes angen ichi ddod i'n Huned Achosion Brys na Gwasanaeth y Tu Allan i Oriau, a chewch driniaeth a chyngor fel arfer gan eich meddyg teulu neu Fferyllydd. Sgroliwch i lawr am gyngor ar sut mae trin eich plentyn ar gyfer rhai o'r afiechydon cyffredin hyn, ac am ba hyd y dylech eu cadw draw o'r feithrinfa neu'r ysgol yn dilyn yr anhwylderau hyn. Fel arall, gallech lawrlwytho taflen "When Should I Worry” sy'n cynnwys canllawiau defnyddiol ar ofalu am blentyn sâl.

Am ba hyd y mae angen imi gadw fy mhlentyn draw o'r feithrinfa neu'r ysgol?

Anhwylder

Amser i Ffwrdd

Nodiadau Arbennig

Brech yr ieir

Gall y plentyn ddychwelyd pan fydd yr holl bothelli wedi tyfu cramennau drostynt – nid oes angen aros i'r holl smotiau ddiflannu.

Dylid osgoi menywod beichiog - dylid rhoi gwybod i'ch meddyg teulu neu fydwraig am unrhyw gyswllt yn ystod beichiogrwydd.

Llid y gyfbilen

Dim

Dolur rhydd a chwydu

Gall y plentyn ddychwelyd 48 awr wedi'r pwl olaf o ddolur rhydd/chwydu.

Twymyn y Chwarennau

Dim

Clefyd y Dwylo, y Traed a'r Genau

Dim

Llau pen

Dim

Impetigo

Nes bod y namau wedi tyfu cramennau a sychu NEU 48 awr ar ôl dechrau gwrthfiotigau.

Mae triniaeth gwrthfiotigau'n cyflymu'r broses wella ac yn cwtogi ar y cyfnod heintus.

Y frech goch

Pedwar diwrnod o ddechrau'r frech.

Dylid osgoi menywod beichiog - dylid rhoi gwybod i'ch meddyg teulu neu fydwraig am unrhyw gyswllt yn ystod beichiogrwydd.

Molluscum Contagiosum

Dim

Cyflwr hunan-gyfyngol.

Y darwden

Nid oes angen fel arfer.

Mae angen triniaeth.

Clefyd crafu

Gall y plentyn ddychwelyd wedi'r driniaeth gyntaf.

Argymhellir trin y plentyn a phawb yn y cartref a ddaw i gyswllt â'r plentyn.

Y dwymyn goch

Gall y plentyn ddychwelyd 24 awr wedi dechrau gwrthfiotigau.

Yr Eryr

Gwahardd dim ond os yw'r frech yn diferu, heb fod modd ei gorchuddio.

Dylid osgoi menywod beichiog - dylid rhoi gwybod i'ch meddyg teulu neu fydwraig am unrhyw gyswllt yn ystod beichiogrwydd.

Clefyd y Foch Goch

Dim (pan fydd brech wedi datblygu).

Dylid osgoi menywod beichiog - dylid rhoi gwybod i'ch meddyg teulu neu fydwraig am unrhyw gyswllt yn ystod beichiogrwydd.

Llyngyr edau

Dim

Argymhellir trin y plentyn a phawb yn y cartref a ddaw i gyswllt â'r plentyn.

Tonsilitis

Dim

Mae llawer o achosion ond fe'i hachosir gan amlaf gan feirysau, heb fod angen gwrthfiotigau arnynt.

Dafadennau a Ferwcau

Dim

Dylid gorchuddio ferwcau mewn pyllau nofio, campfeydd ac ystafelloedd newid.