Digwyddiad Parhad Busnes oherwydd tymheredd eithafol - 23 Mehefin 2026

22 Mehefin 2026

Mewn ymateb i’r tymheredd digynsail a ragwelir ar draws y rhanbarth, mae’r Bwrdd Iechyd wedi cymryd camau cynnar a rhagweithiol drwy weithredu trefniadau parhad busnes i helpu i reoli’r pwysau a ragwelir ar draws gwasanaethau iechyd a gofal.

Mae'r mesurau hyn wedi'u cynllunio i greu capasiti ychwanegol o fewn y system, cefnogi llif amserol cleifion a sicrhau bod gwasanaethau'n parhau i ganolbwyntio ar ddarparu gofal diogel ac effeithiol yn ystod y cyfnod hwn o dywydd eithafol. Mae'r Bwrdd Iechyd yn gweithio'n agos gyda phartneriaid ar draws gofal cymdeithasol, awdurdodau lleol ac asiantaethau eraill i gydlynu'r ymateb a chefnogi cymunedau.

Diogelwch a lles cleifion, y cyhoedd a chydweithwyr yw'r brif flaenoriaeth o hyd. Mae mesurau ychwanegol wedi'u cyflwyno i gefnogi cydweithwyr sy'n gweithio mewn amodau heriol, tra bod gwasanaethau'n parhau i fod yn wyliadwrus wrth ofalu am y rhai sydd fwyaf agored i effeithiau gwres eithafol.

Hoffai'r Bwrdd Iechyd ddiolch i gydweithwyr a phartneriaid am eu hymroddiad a'u proffesiynoldeb parhaus wrth gynnal gofal hanfodol a chadw pobl yn ddiogel yn ystod y tywydd eithafol hwn.

24 Mehefin 2026

Mae’r tymheredd yn parhau i fod yn eithriadol o uchel, ac felly mae’n bosibl y bydd angen gohirio rhai apwyntiadau i helpu i sicrhau diogelwch a llesiant cleifion a chydweithwyr.

Cysylltir yn uniongyrchol â chleifion yr effeithir arnynt. Os nad ydych wedi clywed gennym, cymerwch yn ganiataol bod eich apwyntiad yn dal i ddigwydd fel y trefnwyd.