Yn Ysbyty Deintyddol y Brifysgol, rydym yn credu 'nad oes rhaid i ofal deintyddol da gostio ffortiwn'….
Oeddech chi'n gwybod?
Mae'r argyfwng hinsawdd yn parhau i fod yn un o heriau iechyd mwyaf heddiw ac mae’r dystiolaeth o’r effaith ar iechyd y boblogaeth a'r system iechyd yn dal i dyfu.
Mae Deintyddiaeth y GIG yn cyfrif am oddeutu 3% o gyfanswm ôl troed carbon y GIG. Mae angen i ni leihau gwastraff, arbed ynni a gweithio'n gynaliadwy i ddarparu'r gofal deintyddol o'r ansawdd uchaf.
Mae Ysbyty Deintyddol y Brifysgol mewn sefyllfa unigryw i ymateb i'r angen hwn am newid cynaliadwy. Ni yw'r unig ysbyty addysgu yng Nghymru. Rydym yn addysgu'r genhedlaeth nesaf o ddeintyddion, rydym yn darparu gofal i gleifion â'r anghenion deintyddol mwyaf cymhleth yng Nghaerdydd a'r Fro, ac rydym yn gweithio ac yn cydweithio â phob sefydliad Deintyddol yng Nghymru. Ni yw'r bobl iawn sydd yn y lle iawn i yrru'r newid cynaliadwy hwn mewn gofal deintyddol yn ei flaen.
Beth ydym ni'n ei wneud amdano?
Mae Ysgol Ddeintyddol Caerdydd wedi gweithio'n agos gyda'r ysbyty i:
Leihau Gwastraff, gwneud newidiadau cynaliadwy, gan gynyddu ymwybyddiaeth o'r agenda cynaliadwyedd drwy addysg
Nid dim ond gair poblogaidd yw cynaliadwyedd - dyma ein Cenhadaeth!
Beth ydyn ni wedi’i wneud hyd yma?
Rydym wedi gweithio gyda Chomisiwn Bevan Gwreiddio Cynaliadwyedd yn Unig Ysbyty ac Ysgol Ddeintyddol Cymru: Creu’r Naratif ar gyfer Newid - Comisiwn Bevan i helpu i gyflawni’r nodau hyn.
Rydym wedi cwblhau 15 o brosiectau cynaliadwy hyd yn hyn.
Er enghraifft:
Ø Mewn gwasanaethau theatr deintyddol, rydym wedi lleihau nifer yr achosion o ganslo gan gleifion
Ø Rydym wedi lleihau allyriadau carbon sy'n gysylltiedig â theithiau cleifion i apwyntiadau trwy gynnig ymgynghoriadau rhithwir
Ø Lleihau gwastraff drwy leihau'r defnydd o ddysglau argraffau deintyddol untro a drychau deintyddol untro
Roedd yr holl brosiectau hyn yn cynnwys ac yn cael eu cynnal gan fyfyrwyr deintyddol a staff y GIG.
Beth allwch chi ei wneud i helpu?
Rydyn ni eisiau i'n cleifion – CHI – fod yn rhan o'r newid hwn.
Oeddech chi’n gwybod…
Er enghraifft, mae pob apwyntiad deintyddol a fethir yn costio £194 i'r Ysbyty Deintyddol, felly rydym am i CHI helpu'r GIG trwy ganslo unrhyw apwyntiadau na allwch fynychu fel y gallwn eu cynnig i gleifion eraill.
OND gallwch chi helpu mewn llawer mwy o ffyrdd ………Rydym wedi llunio gwybodaeth a allai eich helpu i wneud newidiadau cynaliadwy i'ch iechyd deintyddol eich hun.
Gall yr wybodaeth hon eich helpu i’n cefnogi ni i ddarparu’r gofal deintyddol gorau nad oes rhaid iddo gostio ffortiwn.
Rydym yn croesawu galwadau ffôn yn Gymraeg, Saesneg a Iaith Arwyddion Prydain (BSL) via SignVideo.
We welcome phone calls in Welsh, English and British Sign Language via via SignVideo.