Cydymaith Ysbyty

Ydych chi'n amyneddgar, yn ddeallus ac yn gallu aros yn dawel mewn amgylcheddau prysur?

Rydym yn chwilio am wirfoddolwyr i fod yn bresenoldeb calonogol i bobl hŷn pan fyddant yn ddifrifol wael a gallant fod yn ddryslyd neu'n ofidus. Bydd y rôl yn cynnwys gweithredu fel wyneb cyfeillgar, cymryd rhan mewn sgwrs a gweithgareddau wrth erchwyn gwely ac ystafelloedd dydd.

Bydd yn ofynnol i Wirfoddolwyr Cydymaith fod yn llawn cymhelliant, a meddu ar sgiliau cymdeithasol a chyfathrebu da, gan ddod i adnabod cleifion a'u teuluoedd i gefnogi cleifion yn well yn ystod eu cyfnod yn yr uned.

Bydd gwirfoddolwyr wedi’u lleoli ar un ward yn Ysbyty Athrofaol Cymru, sy’n gofalu am y rhai sydd yn bennaf dros 65 oed, sydd hefyd â dementia.

Bydd y rôl yn cynnwys ymgysylltu â chleifion sydd ag anghenion a lefelau amrywiol o weithredu a chyfathrebu, yn ogystal ag ymddygiadau sy'n herio, ac felly bydd angen gwirfoddolwyr dyfeisgar sy'n gyfathrebwyr hyderus, sydd â dealltwriaeth dda o ddementia a pharodrwydd i ddysgu.

Bydd angen i wirfoddolwyr allu ymrwymo i 4 awr yr wythnos am o leiaf 6 mis.

Ymunwch â'n tîm o Wirfoddolwyr

Darllenwch y disgrifiad rôl llawn cyn gwneud cais.

Mae'r holl slotiau ar gyfer gwneud cais bellach yn llawn, cymerwch olwg ar ein cyfleoedd eraill os oes gennych ddiddordeb o hyd mewn bod yn Wirfoddolwr yn y Bwrdd Iechyd.

Bydd lleoedd yn gyfyngedig a bydd ymgeiswyr llwyddiannus yn cael eu dewis ar ôl cyfweliad. Darllenwch hefyd ein canllaw Cam Wrth Gam i Recriwtio Gwirfoddolwyr

Mae'r rôl hon yn gofyn am ymrwymiad i gwblhau recriwtio o fewn 8 wythnos i dderbyn cynnig.