Partneriaeth Iechyd a Gofal Cymdeithasol Integredig Caerdydd a Bro Morgannwg
Mae Bwrdd Iechyd Prifysgol Caerdydd a'r Fro yn rhan o Fwrdd Partneriaeth Rhanbarthol a sefydlwyd o dan ofynion Deddf Gwasanaethau Cymdeithasol a Llesiant 2014. Ei ddiben yw rheoli a datblygu gwasanaethau i sicrhau cydweithio gwell rhwng byrddau iechyd lleol, awdurdodau lleol, y trydydd sector, y sector annibynnol a chynrychiolwyr gofalwyr, a sicrhau gwasanaethau, gofal a chymorth effeithiol er mwyn bodloni anghenion ein poblogaeth orau.
Amcan y Bwrdd yw sicrhau bod cyrff partneriaeth yn cydweithio'n effeithiol i:
- Ymateb i'r Asesiad o Anghenion y Boblogaeth a wnaed i adolygu anghenion gofal a chymorth, cymorth i ofalwyr a gwasanaethau ataliol ar draws y rhanbarth;
- Sicrhau bod cyrff partneriaeth yn darparu digon o adnoddau ar gyfer trefniadau'r bartneriaeth;
- Hybu sefydlu cyllidebau cyfun, lle y bo'n briodol;
- Rhoi blaenoriaeth i integreiddio gwasanaethau yn gysylltiedig â:
- Phobl hŷn ag anghenion cymhleth a chyflyrau hirdymor, gan gynnwys dementia
- Gofalwyr, gan gynnwys gofalwyr ifanc
- Gwasanaethau Integredig Cymorth i Deuluoedd
- Plant ag anghenion cymhleth oherwydd anabledd neu salwch
I weld Cylch Gorchwyl ac Aelodaeth y Bwrdd, ewch i wefan y Bartneriaeth yn www.cvihsc.co.uk
I ddysgu rhagor am y gwaith a wneir, darllenwch Adroddiadau Blynyddol y Bwrdd:
- Adroddiad Blynyddol 2017-18 (dogfen Saesneg yn unig)
- Adroddiad Blynyddol 2016-17.
Hefyd, gallwch glywed y partneriaid yn trafod integreiddio iechyd a gofal cymdeithasol ar YouTube.
I gael rhagor o wybodaeth, cysylltwch ag Ysgrifenyddiaeth y Bartneriaeth trwy e-bostio Hsc.Integration@wales.nhs.uk neu ffonio 029 2184 2150
Dilynwch ni ar Twitter a Facebook!
 |
CVIHSCPartnership |
 |
@CV_ihscpship |
|
|
|
Mae adnodd cymunedol newydd o'r enw Dewis Cymru wedi'i ddatblygu i gynnig cyfarwyddiadur o wasanaethau ac adnoddau lleol. Bydd y cyfarwyddiadur yn galluogi pobl i gael at wybodaeth am wasanaethau awdurdodau lleol, byrddau iechyd, y trydydd sector a'r sector annibynnol yn hawdd.