System ceisiadau e-bresgripsiwn ar gyfer Pediatreg Cymunedol a'r Gwasanaeth Niwroddatblygiadol 

Mae Pediatreg Gymunedol a’r Gwasanaeth Niwroddatblygiadol ym Mwrdd Iechyd Prifysgol Caerdydd a’r Fro wedi cyflwyno system ceisiadau presgripsiwn electronig ar gyfer rhieni a gofalwyr.  

Mae'r broses electronig newydd hon wedi cymryd lle’r system archebu dros y ffôn i symleiddio a gwella'r broses, gan gynyddu effeithlonrwydd a hwylustod i rieni a gofalwyr. Gofynnwn yn awr i bob rhiant a gofalwr ddefnyddio’r platfform ar-lein i ofyn am bresgripsiynau ar gyfer eich plentyn o leiaf 7 diwrnod cyn i’r feddyginiaeth gyfredol ddod i ben.  

Sut i wneud cais am bresgripsiynau ar-lein:  

• Ewch i'n porth ar-lein diogel forms.office.com/e/qhj53wCHP8.   

• Llenwch y wybodaeth ofynnol a chyflwyno’ch cais. 

• Caniatewch 5 diwrnod gwaith i’ch cais am bresgripsiwn gael ei brosesu. Byddwch yn derbyn neges destun pan fydd eich presgripsiwn yn barod i’w gasglu, dewch â cherdyn adnabod (ID) wrth gasglu’r presgripsiwn. 

• Os ydych yn glaf yng Nghaerdydd, bydd eich presgripsiwn yn barod i’w gasglu o Ganolfan Plant Dewi Sant. 

• Os ydych yn glaf yn y Fro, bydd eich presgripsiwn yn barod i’w gasglu o Ganolfan Plant Llandochau. 

Rydym yn deall y gallai’r newidiadau hyn godi rhai cwestiynau neu bryderon i chi ac mae ein tîm yma i’ch cynorthwyo drwy gydol y cyfnod pontio hwn. Os cewch unrhyw anawsterau wrth ddefnyddio'r system ceisiadau presgripsiwn electronig newydd ffoniwch 02921 836789.