Rydym yn derbyn hunanatgyfeiriadau ac atgyfeiriadau gan bob gweithiwr gofal iechyd proffesiynol (gyda chaniatâd y person) ar gyfer asesiadau diagnostig a chymorth os oes gan rywun ddiagnosis.
Cwblhewch y ffurflen atgyfeirio a'i hanfon atom ni.
I'r rhai sydd eisoes wedi cael diagnosis rydym yn derbyn hunanatgyfeiriadau, atgyfeiriadau gan rieni a gofalwyr ac atgyfeiriadau gan weithwyr proffesiynol. Byddwn yn gofyn i chi ddarparu tystiolaeth o'ch diagnosis, yn ddelfrydol adroddiad diagnostig. Gellir gwneud atgyfeiriadau drwy e-bost ar cav.ias@wales.nhs.uk, dros y ffôn ar 07970 647 820, neu yn ysgrifenedig. Anfonwch e-bost atom os hoffech i ni anfon ffurflen atgyfeirio atoch i gael cymorth.
Cyn cael cynnig apwyntiad brysbennu, gofynnir i chi ddychwelyd holiadur.
Yna cewch eich gweld yn y clinig brysbennu gan ddau glinigwr profiadol a fydd yn penderfynu a nodir asesiad diagnostig llawn o awtistiaeth.
Os nodir asesiad pellach, cewch eich ychwanegu at y rhestr aros am asesiad diagnostig llawn.
Os na nodir asesiad pellach, cewch eich rhyddhau o'r Gwasanaeth Awtistiaeth Integredig a'ch cyfeirio at wasanaethau neu adnoddau eraill, yn ôl yr angen.
Noder, bydd y clinig brysbennu yn cynnig mynediad cyflym i'r gwasanaeth; fodd bynnag, os bydd angen asesiad pellach ar unigolion, mae'n debygol y bydd yr amser aros yn fwy na 36 mis ar hyn o bryd.
Atgyfeiriadau eraill: Os yw'n briodol, cynigir apwyntiad cychwynnol i chi gydag aelod o'n tîm a fydd yn trafod pa gymorth sydd ar gael. Efallai mai canlyniad yr apwyntiad hwnnw fydd y byddwn yn cynnig cymorth grŵp i chi, yn eich cyfeirio at wasanaethau eraill, neu'n cynnig rhywfaint o gymorth unigol i chi.
Rydym yn croesawu galwadau ffôn yn Gymraeg, Saesneg a Iaith Arwyddion Prydain (BSL) via SignVideo.
We welcome phone calls in Welsh, English and British Sign Language via via SignVideo.