Clinigau Cleifion Allanol ILD

Mae clinigau cleifion allanol ILD Caerdydd wedi’u lleoli yn y brif adran cleifion allanol yn Ysbyty Athrofaol Llandochau. Fel arfer, anfonir llythyr atoch gydag amser a dyddiad eich apwyntiad. Mae croeso i chi ddod ag aelod o’r teulu gyda chi i’r clinig.

I gael gwybodaeth am sut i ddod o hyd i ni, cliciwch yma.
I gael gwybodaeth am barcio, cliciwch yma.

Beth i’w ddisgwyl pan fyddwch chi’n dod i’r clinig?
Pan fyddwch yn cyrraedd y clinig cleifion allanol, bydd angen i chi roi gwybod i’r derbynnydd eich bod wedi cyrraedd y ddesg “cofrestru”. Byddwch yn eistedd yn y brif ystafell aros cyn cael eich galw gan nyrs, a fydd yn gofyn i wirio eich pwysedd gwaed, cyfradd y galon, lefelau ocsigen a phwysau. Yna bydd y nyrs yn rhoi gwybod i chi os yw’r meddyg neu’r nyrs arbenigol wedi gofyn am unrhyw brofion pellach cyn i chi gael eich gweld, er enghraifft pelydr-x ar y frest neu brofion gweithrediad yr ysgyfaint. Dangosir i chi ble fydd angen i chi fynd i gael y profion hyn a ble i ddychwelyd cyn cael adolygiad gan aelod o’r tîm ILD. Os na allwch gerdded i unrhyw un o’r adrannau hyn, peidiwch â phoeni gan y gallwn ddarparu cymorth.

Os yw’r cyflwr ar eich ysgyfaint yn sefydlog, mae’n bosibl y byddwn yn cynnig apwyntiad clinig dros y ffôn i chi.

Efallai y bydd myfyrwyr yn eistedd yn ystafell y clinig gyda’r meddyg neu’r nyrs arbenigol. Byddwn yn gofyn eich caniatâd cyn eich galw i ystafell y clinig os oes myfyriwr yn bresennol, i wirio a ydych yn hapus iddo fod yno yn ystod yr ymgynghoriad. Gallwch ddweud “Na” os nad ydych yn gyfforddus ac ni fydd hyn yn effeithio ar y gofal rydych chi’n ei dderbyn.

I gael rhagor o wybodaeth am ein hadran gweithrediad yr ysgyfaint, cliciwch yma.
I wylio fideo am brofion gweithrediad yr ysgyfaint, cliciwch yma.