Iechyd Meddwl

Er bod llawer ohonom yn edrych ymlaen at dywydd cynnes a diwrnodau heulog hir yr haf, i rai ohonom, gall y gwyliau fod yn gyfnod anodd i'n hiechyd meddwl. Gall amharu ar ein harferion dyddiol a'n patrymau cysgu a gall amser i ffwrdd o'r ysgol wneud i bobl ifanc deimlo'n unig ac ynysig. Gall hefyd fod yn heriol i deuluoedd sy'n ceisio cydbwyso gwaith a gofal plant gydag ymrwymiadau eraill.

Mae'n bwysig ceisio cymryd camau i gefnogi eich iechyd meddwl dros yr amser hwn a cheisio cymorth ychwanegol os ydych yn teimlo y gallai fod ei angen arnoch. Rydym wedi cynnwys rhai awgrymiadau yma a allai eich helpu i ymdopi'n well, yn ogystal â chyngor ar bwy i gysylltu â nhw pe bai angen ychydig o help ychwanegol arnoch.

• treuliwch amser gyda'ch teulu, efallai trwy drefnu amser i fwyta swper gyda'ch gilydd
• trefnwch ddiwrnod allan gyda ffrindiau
• ewch i gael cinio gyda chydweithiwr
• ymwelwch â ffrind neu aelod o'r teulu sydd angen cymorth neu gwmni
• gwirfoddolwch gydag elusen neu mewn grŵp cymunedol lleol
• gwnewch y gorau o dechnoleg i gadw mewn cysylltiad â ffrindiau a theulu, ond ceisiwch beidio â dibynnu arni’n gyfan gwbl

 Ewch i'n tudalen Cadw'n Heini i gael awgrymiadau ar wneud mwy o weithgarwch corfforol yn ystod yr haf.

• dysgwch sut i goginio rhywbeth newydd
• gweithiwch ar brosiect DIY
• cofrestrwch ar gyfer cwrs mewn coleg lleol
• rhowch gynnig ar hobïau newydd sy'n eich herio

Cofiwch, os ydych yn rhoi cynnig ar ddysgu sgiliau neu weithgareddau newydd, gwnewch hynny gyda'r holl offer cywir a rhagofalon diogelwch ar waith i osgoi damwain neu anaf.

Gall roi i eraill a bod yn garedig greu teimladau cadarnhaol ac ymdeimlad o foddhad, gan roi teimlad o bwrpas a hunanwerth i chi a'ch helpu i gysylltu ag eraill.

Gallech roi cynnig ar y canlynol:

• dweud diolch wrth rywun am rywbeth maen nhw wedi'i wneud i chi
• gofyn i ffrindiau, teulu neu gydweithiwr sut maen nhw a gwrando ar eu hateb
• treulio amser gyda ffrindiau neu berthnasau sydd angen cymorth neu gwmni
• cynnig helpu rhywun rydych chi'n ei adnabod gyda phrosiect DIY neu ddarn o waith
• gwirfoddoli yn eich cymuned, fel helpu mewn ysgol, ysbyty neu gartref gofal

Gall roi mwy o sylw i’r foment bresennol wella eich lles meddyliol. Mae hyn yn cynnwys eich meddyliau a'ch teimladau, eich corff a'r byd o'ch cwmpas. Mae rhai pobl yn galw'r ymwybyddiaeth hon yn “ymwybyddiaeth ofalgar”.

Gall ymwybyddiaeth ofalgar eich helpu i fwynhau bywyd yn fwy a deall eich hun yn well. Mae’n gallu newid y ffordd rydych chi'n teimlo am fywyd a sut rydych chi'n mynd i'r afael â heriau mewn modd cadarnhaol.

Ewch i'r wefan Cadw Fin Iach, sy'n darparu rhestr o adnoddau i archwilio ymwybyddiaeth ofalgar.