Mae prentisiaeth yn gyflogai sydd, wrth weithio, yn astudio tuag at gymwysterau gwaith a gydnabyddir yn genedlaethol, sydd wedi'u cynllunio o amgylch anghenion cyflogwyr. Cynigir prentisiaethau mewn ystod eang o gymwysterau a gellir eu defnyddio ar gyfer aelodau staff newydd a phresennol.
Mae prentisiaethau yn cynnig fframwaith dysgu strwythuredig ar gyfer sgiliau sy'n berthnasol i swydd mewn diwydiant neu sector penodol. Mae’r ‘fframweithiau’ hyn yn amrywio o ran galluogrwydd a gallant gynorthwyo ymgeiswyr o ddechrau eu gyrfa hyd at eu camau mwy datblygedig.
Yn dibynnu ar y sector a rôl y swydd, gall Prentisiaeth gymryd unrhyw beth rhwng blwyddyn a phedair blynedd i'w chwblhau, ac efallai y bydd angen i'r prentis fynychu'r coleg lleol neu'r sefydliad hyfforddi arbenigol am gyfran o'i amser.
Mae angen cyflogi prentisiaid am o leiaf 16 awr yr wythnos, sy'n cynnwys unrhyw amser gyda'r darparwr.
Mae mwyafrif o'r hyfforddiant yn digwydd yn y gweithle, er bod hyn yn dibynnu ar y fframwaith prentisiaeth. Bydd rhywfaint o hyfforddiant ar gyfer yr elfen dechnegol yn digwydd mewn coleg lleol neu sefydliad hyfforddi arbenigol, y gellir ei wneud ar sail diwrnodau astudio, neu dros nifer o ddiwrnodau.
Mae'r Fframwaith Prentisiaeth yn cynnwys cymhwyster Galwedigaethol a dysgu yn seiliedig ar wybodaeth: