Ein Cenhadaeth a'n Gweledigaeth

Ym Mwrdd Iechyd Prifysgol Caerdydd a’r Fro, ein cenhadaeth yw ‘Gofalu am Bobl, Cadw Pobl yn Iach’ a’n gweledigaeth yw y dylai siawns person o fyw bywyd iach fod yr un fath ble bynnag y mae’n byw a phwy bynnag ydyw.

Credwn fod gan bawb ar draws Caerdydd a Bro Morgannwg yr hawl i wasanaethau iechyd meddwl sy’n gwneud y canlynol:

• Yn gwneud gwahaniaeth cadarnhaol i bob person y maent yn ei wasanaethu.
• Yn rhoi'r gorau i wneud pethau nad ydynt yn gweithio.
• Yn cael eu harwain gan farn yr unigolyn am yr hyn sydd ei angen arnynt a'r hyn sy'n eu helpu.
• Yn trin pawb fel dinesydd galluog sy'n gallu gwneud dewisiadau a chymryd rheolaeth o'u bywyd eu hunain.
• Yn gweithio gyda pharch, urddas a thosturi.
• Yn cydnabod mai dim ond rhan o adferiad person yw gwasanaethau iechyd meddwl.
• Yn cydnabod, parchu a chefnogi rôl gofalwyr, teulu a ffrindiau.
• Yn cyfathrebu â phob person yn y ffordd sy'n iawn iddyn nhw.
• Yn deall bod gan bob person ddiwylliant, profiadau bywyd a gwerthoedd unigryw.
• Yn rhoi’r wybodaeth sydd ei hangen ar bobl i wneud eu penderfyniadau a’u dewisiadau eu hunain.
• Yn cefnogi eu gweithwyr i wneud eu gwaith yn dda.
• Yn herio agweddau "ni a nhw" o fewn gwasanaethau iechyd meddwl ac yn y gymdeithas ehangach.

Mae gan ein cydweithwyr a defnyddwyr gwasanaeth weledigaeth hirdymor o gynyddu gofal cymunedol a modelau gofal a rennir. Rydym yn cofleidio athroniaeth adferiad.