Mewn gofal iechyd, rydym yn defnyddio'r gair pontio i ddisgrifio'r broses o baratoi, cynllunio a symud o wasanaethau gofal iechyd plant i wasanaethau gofal iechyd i oedolion.
Bydd y rhan fwyaf o bobl ifanc yn symud o wasanaethau gofal iechyd plant i wasanaethau gofal iechyd i oedolion pan fyddant yn cyrraedd 16 i 18 oed. Gwyddom y gall fod yn anodd symud i dîm newydd o weithwyr gofal iechyd proffesiynol a gwasanaethau ac mae Llywodraeth Cymru am wneud yn siŵr bod Byrddau Iechyd yn cefnogi pobl ifanc wrth iddynt symud i ddefnyddio gwasanaethau gofal iechyd i oedolion.
Mae gennym gysylltiadau cryf â'n cydweithwyr pediatrig yn Ysbyty Plant Cymru Arch Noa, gan rannu cyfleusterau labordy, addysgu a chyfleoedd hyfforddi. Rydym hefyd yn mynychu clinigau ar y cyd yn rheolaidd yn Ysbyty Plant Cymru Arch Noa i helpu i gefnogi pobl ifanc sy'n trosglwyddo o wasanaethau gofal iechyd plant i wasanaethau gofal iechyd i oedolion.
Meic (agor mewn dolen newydd) ydy’r gwasanaeth llinell gymorth i blant a phobl ifanc hyd at 25 oed yng Nghymru.
O ddarganfod beth sydd yn digwydd yn dy ardal leol i helpu ymdrin â sefyllfa anodd, bydd Meic yn gwrando pan fydd neb arall yn barod i wneud. Nid ydy Meic yn barnu a gall Meic helpu wrth gynnig gwybodaeth, cyngor defnyddiol a chynnig cefnogaeth i wneud newidiadau yn dy fywyd.