Mae'r Strategaeth Iechyd, Gofal Cymdeithasol a Lles yn nodi pwysigrwydd gwella canlyniadau iechyd a lles i blant, yn enwedig y plant hynny sydd dan anfantais. Diben y Gwasanaeth Ymwelwyr Iechyd yw gwella ansawdd bywyd i blant a theuluoedd yng Nghaerdydd a Bro Morgannwg - gan ychwanegu blynyddoedd at fywyd, ond bywyd at flynyddoedd hefyd.
Bydd y gwasanaeth Ymwelwyr Iechyd yn darparu'n sylfaenol wasanaeth cyffredinol i bob teulu sydd â phlant o dan 5 oed. Bydd y gwasanaeth yn cynnwys asesiadau iechyd cynhwysfawr sy'n arwain at ddarparu gwasanaeth ar sail yr unigolyn ac angen lleol a bydd yn cefnogi Bwrdd Iechyd Prifysgol Caerdydd a'r Fro i gyrraedd targedau gwella iechyd.
Gwasanaeth iechyd cyhoeddus ataliol yn bennaf yw'r gwasanaeth Ymwelwyr Iechyd, yn seiliedig ar yr egwyddorion canlynol:
Mae pob Ymwelydd Iechyd yn nyrsys cymwysedig, sy'n gwneud hyfforddiant Ymwelydd Iechyd arbenigol ychwanegol wedyn. Mae'r hyfforddiant hwn yn gwrs academaidd amser llawn ac, ar hyn o bryd, fe'i darperir ar ffurf gradd anrhydedd. Pan fydd wedi cwblhau'r radd hon, oherwydd y cymhwyster arbenigol a enillir, mae'r Nyrs yn cael ei chofrestru ar ran ychwanegol o gofrestr NMC.
Cefnogir Ymwelwyr Iechyd yn eu gwaith gan Nyrsys Meithrin Cymunedol a Staff Cymorth Gweinyddol.
Trowch at ein Gwasanaeth Ymwelwyr Iechyd Arbenigol yma.
Mae Ymwelwyr Iechyd yn gweithio'n agos gyda Bydwragedd a Meddygon Teulu - byddant yn rhoi gwybod inni amdanoch chi a'ch teulu yn ystod beichiogrwydd neu pan fyddwch wedi cael eich baban. Bydd ein cysylltiad cyntaf â chi a'ch teulu naill ai yn ystod eich beichiogrwydd neu yn fuan ar ôl i chi gael eich baban.
Os hoffech gysylltu â'ch Ymwelydd Iechyd, mae'r manylion cyswllt fel arfer wedi'u hysgrifennu ym mlaen y llyfr coch (cofnod iechyd plentyn sy'n cael ei gadw gan y rhiant). Os ydych yn ansicr neu wedi symud yn ddiweddar i Gaerdydd neu'r Fro, ffoniwch 02921 836916 a byddwn yn gallu rhoi'r manylion cyswllt i chi.
Mae pob Ymwelydd Iechyd yn gweithio yn y Gymuned, a rhai'n gweithio mewn meddygfeydd teulu ac eraill yn safleoedd y BIP.
Mae'r uwch dîm yn gweithio o:
Fwrdd Iechyd Prifysgol Caerdydd a'r Fro
Gwasanaeth Ymwelwyr Iechyd Generig a Dechrau'n Deg
Woodland House
Maes-y-Coed Road
Caerdydd
CF14 4TT
Generig: 029 2183 6916
Dechrau'n Deg Caerdydd: 029 2183 6911
Dechrau'n Deg y Fro: 014 4673 2180
Adnoddau Bwydo ar y Fron (Unicef)
Mae'r adnoddau hyn yn ymdrin ag amrywiaeth o faterion ynghylch sefydlu a pharhau bwydo llwyddiannus ar y fron.
https://www.unicef.org.uk/babyfriendly/baby-friendly-resources/breastfeeding-resources/
Cyngor a Chymorth i Deuluoedd Caerdydd
Gwybodaeth, cymorth a chyngor i blant, pobl ifanc a'u teuluoedd yng Nghaerdydd.
https://www.cardifffamilies.co.uk/
ERIC – yr Elusen Pledren a Choluddyn Plant
Gwybodaeth i rieni a gofalwyr, gweithwyr gofal iechyd proffesiynol a gweithwyr proffesiynol addysg a'r blynyddoedd cynnar am blant a phobl ifanc sydd ag anhwylder y coluddyn neu'r bledren.
First Steps Nutrition
Gwybodaeth ac adnoddau i gefnogi bwyta'n dda o'r cyfnod cyn cenhedlu i bum mlwydd oed.
https://www.firststepsnutrition.org/
Rhaglen Plant Iach Cymru
Mae'n amlinellu pa gysylltiadau wedi'u cynllunio y gall plant a'u teuluoedd eu disgwyl gan eu byrddau iechyd, o drosglwyddo gan y gwasanaeth mamolaeth i flynyddoedd cyntaf addysg ysgol (0-7 oed).
Pwysigrwydd y 1,000 Diwrnod Cyntaf
Mae'n amlinellu sut mae gwahanol agweddau ar iechyd plant a rhieni yn ystod y 1000 diwrnod cyntaf yn gallu effeithio o ddifrif ar allu plant i dyfu, dysgu a ffynnu.
https://thousanddays.org/why-1000-days/
Iechyd Meddwl Mamol (Mind)
Gwybodaeth i famau a phartneriaid am y problemau iechyd meddwl sy'n gallu wynebu mamau yn ystod ac ar ôl beichiogrwydd.
NSPCC – y Gymdeithas Genedlaethol er Atal Creulondeb i Blant
Elusen i gadw plant yn ddiogel, gan gynnwys drwy roi gwybodaeth am iechyd meddwl plant ac arwyddion cam-drin plant, a sut mae siarad â phlant a phobl ifanc am bynciau fel diogelwch ar-lein, perthnasoedd a chamddefnyddio sylweddau.
Cyngor ar Gysgu Mwy Diogel (Lullaby Trust)
Camau syml i leihau risg Syndrom Marwolaeth Sydyn Babanod.
https://www.lullabytrust.org.uk/safer-sleep-advice/
Amserlen Brechiadau ac Imiwneiddiadau i Fabanod (y GIG)
Mae'n amlinellu'r brechiadau y bydd eu hangen ar eich baban ac ym mha oedran. Mae brechiadau yn diogelu eich baban, ond hefyd yn diogelu babanod a phlant eraill drwy atal clefyd rhag lledu. Cynigir brechiadau yn rhad ac am ddim yn y DU a gellir eu trefnu drwy wneud apwyntiad gyda'ch meddyg teulu.
https://www.nhs.uk/start4life/baby/vaccinations-and-immunisations-baby/
Dychwelyd i'r Gwasanaethau Iechyd Plant, Pobl Ifanc a Theuluoedd