Bwyty Bwyd Blasus yn agor yn Ysbyty Athrofaol Llandochau

15 Medi 2026

Mae bwyty Bwyd Blasus newydd wedi agor yn Ysbyty Athrofaol Llandochau, wedi'i leoli ar flaen safle'r ysbyty ble oedd Aroma gynt.

Yn dilyn llwyddiant y bwyty Bwyd Blasus yn Ysbyty Athrofaol Cymru, mae'r lleoliad newydd yn cynnig lle arall i gydweithwyr, cleifion ac ymwelwyr fwyta, yfed a chymryd seibiant tra byddant yn yr ysbyty.

Mae Bwyd Blasus yn gweini amrywiaeth o brydau bwyd, byrbrydau a diodydd wedi'u paratoi'n ffres, a’r cyfan mewn lle bwyta cyfforddus. P'un a ydych chi'n ymweld â rhywun annwyl, yn mynychu apwyntiad neu'n cymryd seibiant yn ystod shifft brysur, mae'r bwyty'n darparu opsiwn cyfleus i gael bwyd a diod yn ystod eich diwrnod.

Mae'r fwydlen yn cynnwys prydau poeth, bwyd a diodydd i fynd, coffi arddull barista ac amrywiaeth o ddewisiadau llysieuol a bwyd planhigion.

Yn dilyn adborth gan gwsmeriaid ym mwyty Ysbyty Athrofaol Cymru, mae ciw ar wahân wedi'i gyflwyno i bobl sydd eisiau prynu bwyd a diodydd i fynd yn safle newydd Llandochau. Mae hyn yn darparu opsiwn cyflymach i'r rhai sydd â phrinder amser ac sydd ond angen casglu diodydd, byrbrydau neu gludfwyd.

Dywedodd Andrew Pritchard, Pennaeth Arlwyo Manwerthu: "Mae hyn wedi bod ar y gweill ers amser maith ac mae'n wych gweld Bwyd Blasus bellach ar agor yn Ysbyty Athrofaol Llandochau. Wedi'i leoli ar flaen safle'r ysbyty, mae'r bwyty'n cynnig ystod ehangach o opsiynau bwyd a diod, gan gynnwys dewisiadau mwy iach. Rydym hefyd wedi gwrando ar adborth gan gwsmeriaid yn ein bwyty yn Ysbyty Athrofaol Cymru ac wedi cyflwyno ciw ar wahân i bobl sydd â phrinder amser ac sydd angen prynu rhywbeth yn gyflym. Mae Bwyd Blasus yn ychwanegiad gwych i gydweithwyr, cleifion ac ymwelwyr sy'n defnyddio safle Llandochau."

Mae Bwyd Blasus bellach ar agor o ddydd Llun i ddydd Sul o 7am i 7pm.