Canolfan Delweddu Tomograffeg Gollwng Positronau

Mae Canolfan Delweddu Tomograffeg Gollwng Positronau Cymru at ddibenion Ymchwil a Diagnostig (PETIC) yn gyfleuster o'r radd flaenaf sy'n darparu gwasanaethau delweddu PET i Gymru gyfan. Gall cleifion yng Ngogledd Cymru gael mynediad at gyfleusterau ym Manceinion.

Mae canolfan PETIC yn cael ei rheoli gan Brifysgol Caerdydd a'i gweithredu mewn partneriaeth â BIP Caerdydd a'r Fro. Darperir mewnbwn ymgynghorwyr hefyd gan Ymddiriedolaeth GIG Felindre a BIP Aneurin Bevan. Ariennir y gwasanaeth clinigol gan Bwyllgor Gwasanaethau Arbenigol Iechyd Cymru.

Mae gan y ganolfan y sganiwr Amser Hedfan GE690 PET/CT diweddaraf gyda gallu delweddu 4D. Mae dros 1500 o gleifion yn cael eu sganio bob blwyddyn am ystod eang o arwyddion oncolegol a niwrolegol. Mae seicotron mewnol sy'n gallu cynhyrchu radiodraswyr amrywiol fel 18-Fflworin, 11-Carbon a 15-Ocsigen ac mae ganddo gyfleusterau delweddu ar gyfer radioisotopau gweithredu byr. Mae labordy poeth wedi'i drwyddedu gan MHRA sy'n gweithredu yn unol â gofynion Arferion Gweithgynhyrchu Da.

Yn ychwanegol at ddarparu gwasanaethau clinigol, mae PETIC wedi ennill achrediad NCRI ac yn cymryd rhan weithredol mewn nifer o dreialon lleol, cenedlaethol a rhyngwladol.

Oriau agor

8:30am - 5:00pm, Dydd Llun i Ddydd Gwener

Archebu ac ymholiadau cyffredinol

Ms Joanne Evans, Cydlynydd archebu
Ffôn: 02920 746880 or 02920 746881

Carell Alden, Ysgrifenyddes PETIC
Ffôn 02920 743070

Os ydych chi'n mynychu ar gyfer sgan PET/CT, ewch i'r prif dderbynfa Radioleg (Pelydr X).