Gwasanaethau Profedigaeth

Gwybodaeth am beth i’w wneud pxan fydd rhywun yn marw a’r cymorth sydd ar gael

Rydym yn flin iawn am eich colled, ac yn gobeithio y bydd y wybodaeth ganlynol yn ddefnyddiol i chi.

Pan fydd rhywun agos atoch chi wedi marw, gall fod yn anodd iawn delio â’r holl drefniadau sydd angen eu gwneud a gwybod pwy y mae angen ei hysbysu. Mae galar yn unigryw i bob un ohonom a bydd profiad pawb yn wahanol. Mae cymorth profedigaeth cyffredinol a phenodol ar gael i’r rhai sydd ei angen, pa bynnag gam o alar a brofir.

Beth i’w wneud pan fydd rhywun yn marw yn yr ysbyty:

Os bydd rhywun wedi marw yn un o’n hysbytai, bydd angen i’r perthynas agosaf gysylltu â’r Swyddfa Profedigaeth y diwrnod gwaith nesaf ar ôl 10am. Nid oes angen i chi fynd i’r Swyddfa Profedigaeth.