ChatHealth
Beth yw ChatHealth?
Mae ChatHealth yn wasanaeth neges destun sydd wedi'i anelu at bobl ifanc 11-19 oed. Gall helpu gyda nifer o faterion gan gynnwys:
- Bwlio
- Smygu
- Lles Emosiynol
- Teimlo'n drist neu'n grac
- Straen arholiadau
- Bwyta'n iach
- Newidiadau i'ch corff
- Cyffuriau
- Alcohol
- Cydberthnasau
Sut mae ChatHealth yn gweithio?
Dechreuwch trwy anfon neges destun i 07520 615 718. Codir tâl ar eich cyfradd rhwydwaith safonol am negeseuon testun.
Byddwch wedyn yn cael eich cysylltu â nyrs ysgol a all gynnig cyngor, gwybodaeth a chymorth cyfrinachol.
Mae’r gwasanaeth yn weithredol o ddydd Llun i ddydd Gwener 8.30am – 4.30pm (ac eithrio gwyliau banc)
Dylech dderbyn ymateb o fewn 24 awr, ond os byddwch yn anfon neges y tu allan i'r oriau hyn, byddwch yn derbyn neges awtomataidd yn cynnig amrywiaeth o fanylion cyswllt ar gyfer sefydliadau eraill
Mae ChatHealth yn ddienw, yn ddiogel ac yn gyfleus. Caiff pob cwestiwn ei ateb gan ChatHealth.
Dim ond un neges sydd ei hangen i ddechrau gwneud gwahaniaeth.
Os oes angen cyngor iechyd brys arnoch, ewch i GIG 111 Cymru neu ffoniwch 111. Os bydd argyfwng, ffoniwch 999.
Sut y dechreuodd?
Datblygwyd a chefnogwyd ChatHealth gan Ymddiriedolaeth GIG Partneriaeth Swydd Gaerlŷr yn 2013. Ers hynny mae'r gwasanaeth wedi'i roi ar waith gan fwy na 50 o Ymddiriedolaethau GIG a sefydliadau gofal iechyd ledled y wlad i'w ddefnyddio ar draws amrywiaeth o wasanaethau gofal iechyd.
Cafodd ei lansio yng Nghaerdydd a Bro Morgannwg gan y Tîm Nyrsio Ysgolion yn 2019.