Therapi Iaith a Lleferydd i Blant

Gair amdanom ni

Mae'r Gwasanaeth Therapi Iaith a Lleferydd i Blant yn gweithio gyda theuluoedd, staff addysg  a gweithwyr iechyd proffesiynol eraill i gefnogi sgiliau lleferydd, iaith, cyfathrebu a bwydo plant.

Gweithiwn gyda phlant o enedigaeth hyd at ddiwedd eu haddysg amser llawn os oes ganddynt anawsterau lleferydd, iaith, cyfathrebu neu fwydo sy'n effeithio ar eu bywydau. Ein nod yw rhoi cyngor a chymorth ymarferol i rymuso pobl yn rhwydwaith cefnogi'r plentyn i ddatblygu ei sgiliau cyfathrebu a bwydo gweithredol. Rydym yma i gefnogi teuluoedd pan fydd ein hangen arnynt a bydd ein gwaith gyda theuluoedd yn dibynnu ar eu hanghenion unigol.

Beth i'w wneud os ydych yn poeni am sgiliau lleferydd, iaith, cyfathrebu neu fwydo eich plentyn?

Mae'r Gwasanaeth Therapi Iaith a Lleferydd i Blant yma i helpu chi i gefnogi sgiliau lleferydd, iaith a chyfathrebu eich plentyn. 

Cliciwch yma am ein gwybodaeth ac adnoddau ar wefan Cadw Fi'n Da Caerdydd a'r Fro

• Syniadau a strategaethau defnyddiol i helpu eich plentyn
• Nid yw fy mhlentyn yn dweud llawer o eiriau neu nid yw’n cysylltu geiriau â’i gilydd
• Mae fy mhlentyn yn ei chael hi’n anodd cyfathrebu yn yr ysgol
• Mae fy mhlentyn yn dweud llawer o eiriau ac ymadroddion, ond gall fod yn anodd ei ddeall yn siarad (iaith lafar aneglur)
• Mae fy mhlentyn yn cael trafferth â’i glyw
• Mae fy mhlentyn i’w weld yn siarad ag atal
• Mae fy mhlentyn yn gallu siarad ond dydy e ddim yn siarad mewn rhai lleoedd (e.e. meithrinfa neu ysgol)
• Mae llais fy mhlentyn yn swnio’n arw neu’n gras (llais cryg)
• Mae fy mhlentyn yn ei chael hi’n anodd bwyta ac yfed (e.e. yn peswch, yn tagu)
• Mae fy mhlentyn yn ffyslyd iawn wrth fwyta
• Mae fy mhlentyn yn cael anawsterau rhyngweithio a chwarae

Sut mae cysylltu â ni

Gwasanaeth Therapi Iaith a Lleferydd i Blant
BIP Caerdydd a'r Fro
Llawr 1af, Woodland House
Maes-y-Coed Road
Caerdydd
CF14 4HH

029 2183 6585

Dychwelyd i'r Gwasanaethau Iechyd Plant, Pobl Ifanc a Theuluoedd