Brechiadau COVID-19 ac RSV y Gwanwyn 2026

Mae dau frechlyn pwysig yn cael eu cynnig y gwanwyn hwn, ac rydym am sicrhau bod pawb sy'n gymwys yn cael yr amddiffyniad sydd ei angen arnynt.

Anfonir gwahoddiadau i dderbyn y brechlyn COVID-19 at:

oedolion 75+ oed

preswylwyr mewn cartrefi gofal i bobl hŷn

pobl chwe mis oed neu hŷn sy'n imiwnoataliedig

Anfonir gwahoddiadau i dderbyn y brechlyn RSV at:

pobl 75+ oed

preswylwyr mewn cartrefi gofal i bobl hŷn

menywod beichiog

Gall cael eich brechu leihau eich risg o salwch difrifol a gorfod mynd i'r ysbyty o ganlyniad i RSV a COVID-19. Cadwch lygad am eich llythyr gwahoddiad a manteisiwch ar y cynnig pan ddaw.

Beth yw COVID-19?

Mae COVID-19 yn glefyd heintus a achosir gan feirws. Mae pobl hŷn a'r rhai â chyflyrau meddygol sy'n bodoli eisoes fel clefyd cardiofasgwlaidd, diabetes, clefyd anadlol cronig, neu ganser yn fwy tebygol o ddatblygu salwch difrifol.

Mae'r brechlyn COVID-19 yn dal i gael ei gynnig gan fod feirysau'n newid ac mae amddiffyniad yn pylu dros amser. Mae'n bwysig ychwanegu at eich amddiffyniad os ydych chi'n gymwys.

Beth yw RSV?

Mae Feirws Syncytiol Anadlol (RSV) yn glefyd heintus ac yn achos cyffredin o heintiau'r llwybr anadlol.

Mewn oedolion hŷn, gall RSV achosi problemau anadlu difrifol, yn enwedig ymhlith y rhai sy'n fregus neu sydd â chyflyrau iechyd eraill. Gall haint RSV achosi niwmonia (haint ar yr ysgyfaint) neu hyd yn oed farwolaeth.

Gall COVID-19 ac RSV ledaenu rhwng pobl. Ewch i gael eich brechu a'ch amddiffyn chi a'ch anwyliaid y gwanwyn hwn.

Os oes gennych gwestiynau am y brechlyn neu'ch apwyntiad, cysylltwch â Chydlynwyr Imiwneiddio BIP Caerdydd a'r Fro drwy e-bostio Immunisations.Co-Ordinators.Cavuhb@wales.nhs.uk neu ffonio 07980991088 / 0797411570.

I gael rhagor o wybodaeth am frechlynnau, chwiliwch am ‘Brechiadau Iechyd Cyhoeddus Cymru’ ar-lein neu ewch i phw.nhs.wales/vaccines.