Rhoi'r gorau i smygu
- Rhoi’r gorau i smygu yw’r peth pwysicaf y gallwch chi ei wneud i wella’ch iechyd.
- Nid yw byth yn rhy hwyr i roi'r gorau iddi, mae'r manteision iechyd yn dechrau ar unwaith.
- Bydd rhoi'r gorau iddi yn gwella eich iechyd ac yn amddiffyn y bobl o'ch cwmpas rhag mwg ail-law niweidiol.
- Bydd rhoi'r gorau i smygu hefyd yn arbed arian i chi.
Rydych chi dair gwaith yn fwy tebygol o roi’r gorau i smygu gan ddefnyddio Gwasanaeth Rhoi’r Gorau i Smygu’r GIG na phe byddech yn ceisio rhoi’r gorau iddi ar eich pen eich hun.
|
Gwybodaeth a chymorth
- Helpa Fi i Stopio yw brand rhoi'r gorau i smygu cenedlaethol y GIG ar gyfer Cymru.
- Mae cynghorwyr lleol yn darparu cymorth arbenigol a meddyginiaeth rhoi'r gorau i smygu AM DDIM. Am ragor o wybodaeth ewch i’r wefan Helpa Fi i Stopio neu ffoniwch 0800 085 2219 am ddim, tecstiwch HMQ i 80818 (cost y neges destun yw un neges cyfradd safonol) neu sganiwch y cod QR.
- Mae gan y wefan Cadw Fi'n Iach adran Rhoi'r Gorau i Smygu
- ASH Cymru
|
Cadw’n heini
- Symudwch yn fwy ac yn amlach gan anelu at o leiaf 150 munud o weithgarwch cymedrol i egnïol yr wythnos.
- Gall cerdded yn gyflym am ddim ond 10 munud ddod â manteision iechyd.
- Mae gweithgarwch corfforol yn cyfrannu at lesiant ac mae’n hanfodol ar gyfer iechyd da.
- Ceisiwch gynnwys cerdded a beicio yn eich trefn ddyddiol drwy gerdded i’r siop, i’r gwaith, i’r ysgol, neu wrth ymweld â theulu a ffrindiau.
- Rhowch gynnig ar weithgareddau newydd mewn canolfannau lleol, gan gynnwys cryfder a chydbwysedd ar gyfer pobl hŷn
|
Gwybodaeth a chymorth
|
Bwyta’n iach
- Gall bwyta’n dda eich helpu i deimlo’n well, i gynnal pwysau iach ac i leihau’r risg o rai cyflyrau
- Nid yw bwyta’n iach yn ymwneud â hepgor rhai bwydydd neu ddilyn deiet arbennig, gall pob math o fwyd gael ei gynnwys. Y cyfan sydd angen i chi ei wneud yw cael y cydbwysedd yn iawn.
- Bwytewch 5 dogn o ffrwythau a llysiau bob dydd
- Newidiwch fyrbrydau a diodydd afiach am rai iachach. Mae’n well osgoi byrbrydau sy’n llawn braster a siwgr megis creision, bisgedi a diodydd sydd â llawer o siwgr ynddynt.
|
Gwybodaeth a chymorth
|
Brechiadau
- Mae imiwneiddio am ddim, yn gyflym, ac yn hynod effeithiol wrth amddiffyn rhag afiechydon annymunol a allai fod yn ddifrifol.
- Mae sicrhau eich bod yn cael eich brechiadau diweddaraf yn eich amddiffyn chi, eich teulu a'ch cymuned.
|
Gwybodaeth a chymorth
|
Iechyd Meddwl a Llesiant
- Mae llesiant meddyliol yn ymwneud â “theimlo’n dda a byw’n dda”. Mae pawb yn profi cyfnodau da a chyfnodau drwg ond os yw’r cyfnodau drwg yn ddifrifol ac maent yn effeithio ar eich ffordd o fyw o ddydd i ddydd, mae’n well siarad â’ch meddyg teulu neu’ch nyrs.
- Problemau iechyd meddwl yw’r ail reswm mwyaf cyffredin dros fynd i weld y meddyg.
- Gall siarad am lesiant meddyliol a gofyn am gefnogaeth helpu.
- Mae pethau y gallwn eu gwneud i wella ein llesiant meddyliol yn cynnwys bod yn gorfforol egnïol, ymgysylltu â phobl, rhoi i eraill, (diolch, gwên, gwirfoddoli), dysgu rhywbeth newydd (llyfr, cwrs ar-lein, rysáit...), a chymryd amser i fwynhau bywyd a bod yn y foment.
|
Gwybodaeth a chymorth
|
Alcohol
- Sicrhewch eich bod yn cadw faint o alcohol rydych chi’n ei yfed o fewn y cyfyngiadau a argymhellir, sef dim mwy na 14 uned o alcohol yr wythnos ar gyfer dynion a menywod – sef potel a hanner o win neu chwe pheint o gwrw.
- Sicrhewch eich bod yn cael sawl diwrnod heb alcohol bob wythnos.
- Osgowch alcohol os ydych chi’n feichiog neu’n ceisio beichiogi.
|
Gwybodaeth a chymorth
|
Iechyd rhywiol
- Mae iechyd rhywiol yn golygu gofalu amdanoch chi'ch hun ac eraill.
- Mae'n helpu i atal heintiau, HIV, a beichiogrwydd heb ei gynllunio ac mae hefyd yn golygu teimlo'n dda am bwy ydych chi a chael cydberthnasau diogel ac iach.
|
Gwybodaeth a chymorth
Am wybodaeth a chyngor ar gydberthnasau, atal cenhedlu ac iechyd rhywiol gan gynnwys sut i archebu pecyn profi gartref ar gyfer Heintiau a Drosglwyddir yn Rhywiol ewch i:
|
Atal cwympiadau
- Wrth i ni heneiddio, efallai y byddwn yn dechrau teimlo ychydig yn ansefydlog ar ein traed. Gall hyn gynyddu'r risg y byddwn yn cwympo.
- Oeddech chi'n gwybod y bydd traean o bobl dros 65 oed yn cwympo bob blwyddyn? Gall cwympo arwain at anaf, effeithio ar ein hyder a'n hatal rhag gwneud y pethau rydyn ni'n eu mwynhau.
- Y newyddion da yw nad yw cwympiadau yn rhan anochel o heneiddio. Mae yna bethau y gallwn ni eu gwneud i wella ein cryfder a'n cydbwysedd a lleihau ein risg o gwympo
|
Gwybodaeth a chymorth
- Am wybodaeth, cyngor a gwasanaethau ar eich helpu i heneiddio'n dda a lleihau eich risg o gwympo, ewch i wefan Cadw Fi’n Iach
|
