Timau BIP Caerdydd a'r Fro yn cael eu hanrhydeddu yng Ngwobrau Canser Moondance
Mae staff o BIP Caerdydd a’r Fro wedi’u cydnabod yng Ngwobrau cyntaf Menter Canser Moondance am eu cyflawniadau a’u harloesedd mewn gwasanaethau canser dros y ddwy flynedd ddiwethaf.
Derbyniodd pum tîm wobrau yn y seremoni a gynhaliwyd neithiwr (Mehefin 16) yn y Depot, Caerdydd dan ofal cyflwynydd y BBC, Jason Mohammad.
Llongyfarchiadau mawr i’r canlynol:
- Arweinydd Meddygol Newydd – Hasan Haboubi, Gastroenterolegydd Ymgynghorol
- Ymateb i COVID – Tîm Llawdriniaeth Ddewisol Amddiffynnol (Bwrdd Clinigol Llawfeddygaeth)
- Arloesi yn y Sector Annibynnol – Endosgopi Traws-drwynol (Olympus Medical, BIP Caerdydd a’r Fro a BIP Cwm Taf Morgannwg)
- Arloesi mewn Triniaeth – Grŵp Oncoleg Genomeg Cymru Gyfan (AWMGS)
- Gwobr Gweithio Gyda’n Gilydd – Cydweithrediad Canser yr Ysgyfaint De Cymru (BIP Caerdydd a’r Fro a BIP Bae Abertawe)
Mae Gwobrau Canser Moondance yn dathlu ac yn rhoi sylw i bobl ledled GIG Cymru a’i bartneriaid sydd wedi cynnal ac arloesi ym maes gwasanaethau canser er gwaethaf amgylchiadau eithriadol y ddwy flynedd ddiwethaf.
Maent yn amlygu’r arloesi a’r gwaith partneriaeth ar draws holl Fyrddau Iechyd y GIG i wella’r gwaith o ganfod canser, rhoi diagnosis a thrin cleifion yng Nghymru.