Taith o Amgylch Ysgolion i gynnig y Brechlyn HPV
Plant ysgol blwyddyn 8 ar draws Caerdydd a Bro Morgannwg yn cael cynnig y brechlyn HPV i leihau eu risg o ddatblygu rhai canserau yn ddiweddarach mewn bywyd.
Mae Tîm Imiwneiddio Nyrsio Ysgolion y Bwrdd Iechyd ar daith ar hyn o bryd o amgylch holl ysgolion uwchradd y rhanbarth i helpu i’w hamddiffyn rhag cael eu heintio gan y Feirws Papiloma Dynol.
HPV yw enw grŵp cyffredin iawn o feirysau sy’n effeithio ar gelloedd y croen. Yn y rhan fwyaf o bobl nid yw HPV yn achosi unrhyw symptomau, ond weithiau gall achosi tyfiannau neu lympiau di-boen o amgylch y wain, y pidyn neu’r anws.
Mae’r feirws hefyd yn cynyddu’r risg o ddatblygu rhai mathau o ganser, gan gynnwys canser ceg y groth, canserau’r geg a’r gwddf, a rhai canserau’r anws ac ardaloedd yr organau cenhedlu.
Mae’r brechlyn yn fwy na 99% yn effeithiol o ran atal anafiadau cyn-ganseraidd sy’n gysylltiedig â HPV.
Bydd y Tîm Imiwneiddio Nyrsio Ysgolion yn ymweld â’r ysgolion canlynol nesaf i roi’r brechlyn HPV:
- Ebrill 25: Ysgol Uwchradd Willows
- Ebrill 26: Chraig Y Parc
- Ebrill 27: Ysgol Bro Edern
- Mai 2: Ysgol Uwchradd Llanisien
- Mai 3: Ysgol Uwchradd Llanisien
- Mai 4: Ysgol Plasmawr
- Mai 5: Ysgol Uwchradd Radur
- Mai 9: Ysgol Uwchradd Caerdydd
- Mai 10: Ysgol Uwchradd Caerdydd
- Mai 11: Ysgol Uwchradd Whitmore
- Mai 16: Ysgol Uwchradd Esgob Llandaf - Ely Presbyterian
- Mai 17: Ysgol St Richard Gwyn - Ysgol y Deri
- Mai 18: Ysgol Corpus Christi
- Mai 26: Ysgol Uwchradd Cathays - Red Rose
Nod Wythnos Imiwneiddio’r Byd 2023, sy’n cael ei dathlu rhwng Ebrill 24 a 30, yw tynnu sylw at y camau gweithredu ar y cyd sydd eu hangen i amddiffyn pobl rhag clefydau y gellir eu hatal â brechlyn.
I gael rhagor o wybodaeth am frechiadau yn ystod plentyndod, ewch i Imiwneiddio Plentyndod - Bwrdd Iechyd Prifysgol Caerdydd a'r Fro (gig.cymru) neu cysylltwch â’r Tîm Imiwneiddio yn uniongyrchol ar immunisation.cavuhbschoolnursing@wales.nhs.uk neu 02921 907661/664.