Cyhoeddiad ynghylch Penodiad Cyfarwyddwr Gweithredol Strategaeth, Cynllunio a Phartneriaethau BIPCAF

22 Ionawr 2026

Mae Bwrdd Iechyd Prifysgol Caerdydd a'r Fro yn falch iawn o gyhoeddi Adam Roberts fel Cyfarwyddwr Gweithredol newydd Strategaeth, Cynllunio a Phartneriaethau.

Mae gan Adam dros 20 mlynedd o brofiad yn cwmpasu gwelliant lleol, strategaeth systemau ac ymchwil genedlaethol annibynnol ddylanwadol.

Mae'n ymuno â'r Bwrdd Iechyd o GIG Lloegr lle bu'n cyflawni nifer o rolau arwain uwch, gan gynnwys Cyfarwyddwr Mewnwelediad Gweithredol mewn Gofal Brys a Gofal mewn Argyfwng.

Cynghorodd a chefnogodd ddiwygio cenedlaethol ar draws gofal brys a gofal mewn argyfwng integredig, gan ddarparu briffiau rheolaidd i weithredwyr y llywodraeth a GIG Lloegr, gan gynnwys drwy gydol yr ymateb i COVID-19 a'r cyfnod adfer dilynol.

Mae Adam yn cael ei gydnabod am ddatblygu'r model a ddefnyddir i gryfhau'r sail dystiolaeth ar gyfer rhoi mwy o ffocws ar ofal y tu allan i'r ysbyty a'r angen i symud tuag at wasanaethau cymunedol.

Gydag ymrwymiad cryf i wella ansawdd, roedd yn aelod o Grŵp Cynghori annibynnol y Gweinidog ar Berfformiad a Chynhyrchiant y GIG a gyhoeddodd argymhellion i Ysgrifennydd y Cabinet dros Iechyd a Gofal Cymdeithasol ym mis Ebrill 2025.

Yn Gymro balch, mae Adam yn angerddol dros wella ansawdd, mynediad a chanlyniadau i gleifion sy'n seiliedig ar ddadansoddiad trylwyr o bwysau uniongyrchol a thueddiadau tymor hwy.

Dywedodd Adam: "Rwyf wrth fy modd yn ymuno â'r tîm ym Mwrdd Iechyd Prifysgol Caerdydd a'r Fro.

“Fel pob system iechyd ledled y byd, mae gennym heriau sylweddol o’n blaenau, ac rwy’n ymrwymedig i uchelgais y Bwrdd Iechyd i wella canlyniadau iechyd a lleihau anghydraddoldebau iechyd lle mae pob rhaglen yn cynnwys atal ac ymyrraeth gynnar.

"Rwy'n gyffrous i ymuno â thîm sydd â'r sgiliau, yr arbenigedd a'r angerdd i gyflawni ein gweledigaeth i wella ansawdd a chanlyniadau i'n poblogaeth."

Dywedodd y Prif Weithredwr Suzanne Rankin: “Rwyf wrth fy modd yn croesawu Adam i dîm Caerdydd a’r Fro.

“Mae’n dod â phrofiad sylweddol fel arweinydd dylanwadol sydd â chefndir helaeth mewn cynllunio a chyflenwi strategol o fewn y GIG, ac o ddatblygu polisi cenedlaethol i wella canlyniadau i gleifion a rheoli pwysau gweithredol amser real.

“Rwy’n edrych ymlaen at gydweithio i helpu i lunio gwasanaethau, cryfhau partneriaethau a chyflawni effaith ar raddfa fawr, ac i sicrhau bod ein cynlluniau hirdymor yn gadarn, yn seiliedig ar dystiolaeth ac yn canolbwyntio ar wella iechyd y boblogaeth, ansawdd, cynaliadwyedd a thegwch.”

 
Bydd Adam yn ymuno â Bwrdd Iechyd Prifysgol Caerdydd a'r Fro fel Cyfarwyddwr Gweithredol Strategaeth, Cynllunio a Phartneriaethau ym mis 23rd Ebrill 2026.