Cyfarfodydd Atebolrwydd Cyhoeddus Gweinidogol wedi'u cynnal gyda BIP Caerdydd a'r Fro

07 Ionawr 2026

Ar 13 Tachwedd, cyfarfu cynrychiolwyr o Fwrdd Iechyd Prifysgol Caerdydd a'r Fro â Llywodraeth Cymru fel rhan o gyfres o Gyfarfodydd Atebolrwydd Cyhoeddus a gynhaliwyd gyda sefydliadau'r GIG ledled Cymru.

Mae'r cyfarfodydd hyn wedi'u cynllunio i sicrhau natur agored a thryloywder, gan ganiatáu i Lywodraeth Cymru adolygu sut mae byrddau iechyd yn perfformio a'u dwyn i gyfrif am ddarparu gofal diogel, effeithiol a chynaliadwy.

Yn ystod y cyfarfod, roedd y pynciau allweddol a drafodwyd yn cynnwys cyllid, perfformiad, y gweithlu, a diwylliant y sefydliad. Pwysleisiodd y drafodaeth hefyd bwysigrwydd arweinyddiaeth gref, cyfathrebu clir, a gweithio gyda byrddau iechyd eraill er budd cymunedau ledled Cymru. Mae'r cyfarfodydd hyn yn ffordd bwysig i'r cyhoedd weld sut mae eu GIG lleol yn cael ei gefnogi a'i herio i ddarparu'r gofal gorau posibl.

Mae recordiad o'r cyfarfod ac ymateb gan Ysgrifennydd y Cabinet dros Iechyd a Gofal Cymdeithasol i'w gweld yma.