Arwr Iechyd

Enwebwch Eich Arwr Iechyd

Ym Mwrdd Iechyd Prifysgol Caerdydd a’r Fro, rydym yn falch o’r tosturi, ymroddiad a thalent y mae ein staff yn eu dangos bob dydd i ddarparu gofal a chymorth eithriadol. Mae eu gwaith caled a’u hymrwymiad yn gwneud gwahaniaeth ystyrlon i gleifion, teuluoedd a chymunedau ledled Cymru.

Y wobr Arwr Iechyd yw eich cyfle i gydnabod yr unigolion rhyfeddol hyn. A yw aelod o staff wedi cael effaith barhaol arnoch chi, wedi eich cefnogi trwy gyfnod heriol neu wedi mynd yr ail filltir? Rydyn ni eisiau clywed eich stori.

Helpwch ni i ddathlu’r unigolion anhygoel sy’n gwneud gwahaniaeth bob dydd.
 

Sut i Enwebu

Mae’n gyflym ac yn hawdd i enwebu eich Arwr Iechyd.

Cwblhewch y Ffurflen Enwebu Arwr Iechyd, gan roi cymaint o wybodaeth â phosibl.

Po fwyaf o fanylion a roddwch, y gorau y gallwn ddeall eu cyfraniad a'r effaith y maent wedi'i chael.

Mae’r wobr Arwr Iechyd yn cael ei noddi'n falch gan Park Plaza Caerdydd. Bydd pob enillydd yn cael profiad am ddim iddyn nhw eu hunain a gwestai, gan roi cyfle haeddiannol iddyn nhw ymlacio a dadflino.

Byddwn yn cyhoeddi Arwr Iechyd newydd bob mis. Cadwch lygad ar ein sianeli cyfryngau cymdeithasol a’n gwefan am gyhoeddiadau yn y dyfodol. Os byddwch yn cyflwyno enwebiad ac yn ennill, byddwn hefyd yn cysylltu â chi'n uniongyrchol.

Yn anffodus, dim ond enwebiadau ar gyfer unigolion y gallwn eu hystyried ac ni allwn dderbyn enwebiadau ar gyfer grwpiau neu dîm.