YSut Gall Ein Hadran Helpu Ymchwilwyr

Os ydych chi'n aelod o staff neu'n ymchwilydd sy'n dymuno cynnal astudiaeth yn y bwrdd iechyd, bydd y tîm Ymchwil a Datblygu yn gallu eich tywys trwy'r broses, gan gynnwys:

penderfynu a yw eich prosiect yn ymchwil, archwiliad neu werthusiad gwasanaeth
penderfynu a yw eich prosiect yn CTIMP sydd angen cymeradwyaeth gan yr Awdurdod Rheoleiddio Meddyginiaethau ar gyfer Gofal Iechyd
sut i gael cymorth gyda datblygu protocol
gwneud cais am Nawdd gan y Bwrdd Iechyd (os oes angen)
sefydlu astudiaeth
cael cymeradwyaeth Foesegol y GIG
cael caniatâd y GIG / cymeradwyaeth Ymchwil a Datblygu'r bwrdd iechyd.
Mae angen caniatâd/cymeradwyaeth y GIG pan fydd ymchwil yn cynnwys staff, cleifion, meinwe, organau neu ddata cleifion BIP Caerdydd a'r Fro a defnyddio cyfleusterau'r bwrdd iechyd.