Gwirfoddolwyr Celf a Chrefft
Ydych chi wrth eich bodd yn bod yn greadigol? Ydych chi'n mwynhau cysylltu â phobl?
Beth am gyfuno'r ddau a gwneud gwahaniaeth gwirioneddol i ddiwrnod rhywun?
Rydym yn chwilio am wirfoddolwyr brwdfrydig sy'n angerddol am gelf a chrefft ac a hoffai gefnogi cleifion sy'n aros yn Ysbyty'r Barri.
Fel Gwirfoddolwr Celf a Chrefft, byddwch yn helpu i wella lles cleifion trwy gynnig gweithgareddau creadigol fel peintio, gwaith nodwydd, lliwio, origami, gwneud cardiau neu unrhyw grefft arall rydych chi'n ei mwynhau ac yn dymuno ei rhannu.
Nid yw'r ffocws ar greu darn gorffenedig perffaith — mae'n ymwneud ag ymgysylltu, rhyngweithio cymdeithasol, creadigrwydd, a rhoi cyfle i gleifion ddewis beth maen nhw am ei wneud a sut maen nhw am ei wneud.
Nid dosbarthiadau celf na sesiynau therapi yw'r sesiynau hyn, ond cyfleoedd hamddenol i gleifion fynegi eu hunain a mwynhau gweithgaredd ystyrlon.
Nodwch: nid yw'r rôl hon yn cynnwys therapi celf na chwnsela.
Yr hyn rydyn ni’n chwilio amdano:
Bydd ein Gwirfoddolwyr Celf a Chrefft delfrydol yn:
- Gyfeillgar, allblyg, ac yn bobl hawdd mynd atynt
- Gwrandawyr da sy'n mwynhau sgwrsio â phobl
- Hyderus wrth rannu hobi neu sgil greadigol
- Amyneddgar, calonogol a chefnogol
- Yn barod i ymgymryd â'r hyfforddiant angenrheidiol
Bydd angen i wirfoddolwyr fod ar gael am o leiaf 2 awr yr wythnos (o ddydd Llun i ddydd Gwener) ac yn gallu ymrwymo i o leiaf 6 mis o waith gwirfoddol gyda ni.
Bydd angen i chi fod dros 18 oed i wneud cais am y rolau hyn.
Ceisiadau’n agor 09/02/2026 ac yn cau ar 10/03/2026.