Wroleg

Wroleg yw'r gangen feddygaeth sy'n ymdrin â rheolaeth lawfeddygol clefydau'r arennau a rheolaeth lawfeddygol a meddygol cyflyrau'r brostad ac wro-genhedlol gwrywaidd. Mae wrolegwyr hefyd yn ymdrin â phroblemau'r bledren mewn dynion a menywod.

Yr hyn a gynigiwn

Mae'r Adran Wroleg yn ymdrin â:·

• Gwneud diagnosis o ganserau'r brostad, y bledren, y ceilliau, yr arennau a'r pidyn, a'u trin.
• Triniaethau meddygol a llawfeddygol ar gyfer helaethiad anfalaen o'r brostad.
• Triniaethau meddygol a llawfeddygol o gyflyrau'r bledren weithredol, gan gynnwys anymataliaeth mewn menywod.
• Triniaeth ar gyfer clefyd cerrig y llwybr wrinol.
• Niwrowroleg.
• Rhwystr arennol, gan gynnwys methiant arennol rhwystrol.
• Androleg, gan gynnwys anffrwythlondeb gwrywaidd ac anhawster codiad.

Mae'r gweithdrefnau arbenigol a gynhelir yn yr adran yn cynnwys:

• Prostadectomi radicalaidd ar gyfer canser cynnar y brostad.
• Systectomi ac adlunio'r bledren yn orthotopig ar gyfer canser y bledren.
• Llawdriniaeth tiwmorau arennol sy'n cynnwys y vena cava isaf gan ddefnyddio dargyfeirio cardio-pwlmonaidd.
• Llawdriniaeth retroperitoneal ar gyfer canser datblygedig y ceilliau.
• Adlunio'r bledren ar gyfer pledren orweithredol niwropathig ac an-niwropathig.
• Mewnblannu sffincter wrinol artiffisial.
• Neffrectomi laparosgopig.
• Lithotripsi siocdonnau ar gyfer clefyd cerrig y llwybr wrinol.
• Wrodynameg. 

Clinig Cleifion Allanol

Sut i'n cyrraedd ni

Yr Adran Cleifion Allanol, Ystafell 18, Llawr Gwaelod Uchaf

• O gyntedd y brif fynedfa, y llawr gwaelod isaf.
• Dilynwch yr arwyddion ar gyfer wardiau a'r Adran Cleifion Allanol ar y llawr gwaelod (cerddwch i fyny'r grisiau neu teithiwch yn y lifft i'r llawr gwaelod). 
• Cerddwch i lawr y coridor yn syth i'r Adran Cleifion Allanol, trowch i'r dde a dilynwch yr arwyddion ar gyfer ystafell 18. 
• Cyflwynwch eich hun i'r derbynnydd wrth y ddesg. 

Derbyn Cleifion Mewnol

Mae cleifion fel arfer yn cael eu derbyn gyda chyflyrau sy'n gofyn am y canlynol:

• Prostadectomi radicalaidd
• Neffrectomi radicalaidd
• Systectomi radicalaidd
• Neffrectomi laparosgopig
• Adlunio'r bledren
• Dyraniad nod lymff retroperitoneal
• Llawdriniaeth cerrig arennol drwy'r croen
• Echdoriad trawswrethrol y brostad