Mae ein gwasanaeth yn bennaf yn cynnwys clinigau sydd wedi'u trefnu ar gyfer apwyntiadau. Yn y rhan fwyaf o achosion, bydd angen i glinigwr eich asesu dros y ffôn fel y gallwn drefnu apwyntiad mwyaf priodol i chi.
Ydym yn cynnig gwasanaeth iechyd rhywiol integredig, hygyrch a chyfrinachol. Nid oes angen i chi weld eich meddyg cyn mynychu clinig iechyd rhywiol.
Gallwch ein ffonio ar 02921 835208 yn ystod ein horiau agor. Rydym yn cynnig gwasanaeth yn y Gymraeg, ac felly yn croesawu galwadau ffôn yn y Gymraeg a Saesneg.
| Dydd Llun | 9:00 yb - 3:00 yp |
| Dydd Mawrth | 9:00 yb - 3:00 yp |
| Dydd Mercher | 9:00 yb - 12:00 yp (cysylltwch â ni i drafod achosion brys hyd at 3pm) |
| Dydd Iau | 9:00 yb - 12:00 yp (cysylltwch â ni i drafod achosion brys hyd at 3pm) |
| Dydd Gwener | 9:00 yb - 3:00 yp |
Os hoffech gael cyngor iechyd rhywiol ar Ŵyl y Banc neu ar benwythnos, ffoniwch 111 GIG Cymru.
Cliciwch yma am Oriau Agor Dros y Nadolig.
Rydym wedi ein lleoli yn Ysbyty Brenhinol Caerdydd, Heol Casnewydd, Caerdydd, CF24 0SZ. Yn dibynnu ar eich rheswm dros ymweld, efallai y cewch gynnig apwyntiad ar y llawr gwaelod neu ar y llawr cyntaf, neu yng Nghlinig Broad Street, Y Barri, CF62 7AL.
Os ydych o dan 18 oed ac angen dulliau atal cenhedlu, profion/triniaeth STI neu gyngor iechyd rhywiol, galwch heibio i un o’n clinigau. Nid oes angen trefnu apwyntiad.
Dyddiau Mawrth 2pm – 5pm, Adran Iechyd Rhywiol, Ysbyty Brenhinol Caerdydd, Heol Casnewydd, Caerdydd, CF24 0SZ
Dyddiau Iau 3pm – 5pm, Clinig Broad Street, Y Barri, CF62 7AL
Os ydych chi'n aelod o'r gymuned fyddar, yn siarad Saesneg cyfyngedig, neu'n methu ffonio, mae croeso i chi fynychu'r Adran Iechyd Rhywiol yn Ysbyty Brenhinol Caerdydd yn ystod oriau agor, dydd Llun i ddydd Gwener, 9:00 am - 3:00 pm ( ac eithrio Gwyliau Banc).
Rydym yn gallu darparu cyfieithydd neu gyfieithydd a all gyfathrebu â chi gan ddefnyddio'r dull a ffefrir gennych.
Croesewir galwadau yn y Gymraeg neu'r Saesneg.
Rydym yn darparu gwasanaeth cyfrinachol i bawb sy’n mynychu ein Clinigau Iechyd Rhywiol, waeth beth fo’ch oedran.
Nid yw eich cofnod iechyd rhywiol yn gysylltiedig ag unrhyw gofnod iechyd arall ac ni fydd eich meddyg teulu yn cael ei hysbysu eich bod wedi mynychu.
Bydd derbynnydd yn gofyn am eich enw, cyfeiriad, dyddiad geni a rhif ffôn. Bydd hyn yn cael ei storio ar eich cofnod iechyd rhywiol unigryw a rhoddir rhif claf Iechyd Rhywiol i chi. Bydd y rhif claf hwn yn cael ei ddefnyddio ar eich holl brofion ac apwyntiadau yn y dyfodol.
Os ydych rhwng 13 a 17 oed, mae gennych yr un hawliau i gyfrinachedd ag oedolyn. Mae hyn yn golygu na fyddwn yn pasio unrhyw ran o’r wybodaeth yr ydych yn ei rhoi i ni fel mater o drefn (gan gynnwys at rieni, athrawon neu feddyg teulu) heb eich caniatâd. Weithiau gall fod yn ddefnyddiol rhannu’r wybodaeth hon gyda’ch meddyg teulu neu rieni, felly mae’n bosibl y byddwn yn eich annog i wneud hynny.
Fodd bynnag, efallai y bydd rhai sefyllfaoedd lle rydym yn teimlo bod angen i ni drosglwyddo’r wybodaeth a ddywedwch wrthym at weithiwr proffesiynol arall. Byddai hyn ond yn digwydd pe bai gennym bryderon difrifol am eich diogelwch neu’ch lles. Mewn amgylchiadau arferol, byddem yn ceisio trafod hyn gyda chi cyn trosglwyddo’r wybodaeth.
Os hoffech drafod sut mae eich gwybodaeth yn cael ei chadw a’i rhannu yn ein clinig, rhowch wybod i’r person sy’n eich gweld.