Gwybodaeth i Gyflogwyr

Diolch am eich diddordeb yn y Gwasanaeth WE:THRIVE.  

Mae WE:THRIVE yn seiliedig ar IPS (Gwasanaeth Lleoli Unigol), ymarfer sy’n seiliedig ar dystiolaeth y profwyd ei fod y ffordd fwyaf llwyddiannus o gefnogi cleientiaid ag anawsterau iechyd meddwl i gael a chynnal cyflogaeth.  

Yn ddiweddar bu buddsoddiad sylweddol yn y ffordd hon o weithio, gan ganiatáu inni ymgysylltu â mwy o gyflogwyr nag erioed a’u cefnogi.  

Mae ein Harbenigwyr Cyflogaeth yn gweithio gydag unigolion ar sail 1-i-1 ac yn cysylltu'n benodol â chyflogwyr lleol i baru'r person iawn â'r swydd iawn - swydd y maent yn frwdfrydig amdani. 

Unwaith y bydd yr unigolyn wedi sicrhau cyflogaeth, gall y gwasanaeth barhau i gefnogi'r gweithiwr a chi, y cyflogwr. Gallwn gynorthwyo gyda’r broses sefydlu, perfformiad a chynaliadwyedd yr unigolyn yn y rôl.  

Rydym yn ymgysylltu â chyflogwyr yn unigol er mwyn ategu eich arferion a phrosesau recriwtio presennol. Yn ogystal â chefnogi pobl i gael gwaith cystadleuol â thâl rydym yn hyrwyddo manteision cynnwys cyflogwyr yn nhaith ein cleient a'r enillion cyfalaf cymdeithasol dilynol o ryngweithio â'n gwasanaeth.  

Beth yw'r gwasanaeth WE:THRIVE?  

Rydym wedi cael ein comisiynu gan GIG Cymru a DWP i gefnogi’r broses o ehangu gwasanaethau IPS ledled y wlad. 

 Mae WE:THRIVE yn darparu gwasanaeth recriwtio a lles gweithwyr am ddim; gan gyflwyno ymgeiswyr brwdfrydig ac ymroddedig y mae eu sgiliau yn cyfateb i'ch swyddi gwag. Heb unrhyw ffioedd cyflwyno cyflogaeth na chostau asiantaeth drud, mae ein gwasanaeth cymorth galwedigaethol a chyflogaeth unigryw yn cefnogi unigolion sydd dan anfantais yn y farchnad gyflogaeth leol a gall ddarparu gwerth a hyblygrwydd eithriadol i'ch busnes, gan alluogi gweithlu mwy bodlon ac amrywiol.  

Mae’r dull WE:THRIVE yn golygu dilyn set o egwyddorion sy’n seiliedig ar dystiolaeth wrth weithio gyda chyflogwyr a cheiswyr gwaith. Mae’r egwyddorion hyn wedi’u profi i fod yn llwyddiannus nid yn unig o ran cynorthwyo pobl i gael gwaith, ond hefyd wrth gefnogi’r cyflogwr a’r gweithiwr dros gyfnod o amser i gadw’r gyflogaeth honno.   

Sut allwn ni gefnogi eich cwmni gyda'ch anghenion recriwtio/cadw, lles staff a hyfforddiant? 

• Gallwn ddarparu gweithwyr ymroddedig a brwdfrydig - byddwn ond yn eich cyflwyno i ymgeiswyr y mae eu sgiliau neu eu brwdfrydedd yn cyfateb i'ch sefydliad ac sy'n barod i weithio. 

• Posibiliadau recriwtio hyblyg – rydym yn gweithio gyda chi, y cyflogwr, i archwilio cyfleoedd gwaith yn eich sefydliad boed yn dreialon gwaith llawn amser, rhan amser neu hyd yn oed gwaith gwirfoddol. 

• Rydym yn cynnig gwasanaeth rhad ac am ddim a chyfrinachol a thîm Arbenigwr Cyflogaeth/Gweithiwr Cymorth Arbenigol penodol ac, os oes angen, cymorth parhaus ar ôl i’r gweithiwr ddechrau yn eich cwmni. 

• Gallwn eich cyfeirio at gyngor a chanllawiau ar gyfleoedd cyfartal yn y gweithle, y Ddeddf Gwahaniaethu ar sail Anabledd a deddfwriaeth cyflogaeth arall. 

Beth yw manteision posibl defnyddio ein gwasanaeth? 

• Gwasanaeth cyfrinachol am ddim.  

• Bydd ein gwasanaeth yn arbed arian ac amser i chi drwy gynnig y cyfle i ddangos cyfle cyfartal a hyrwyddo eich busnes fel cyflogwr cymunedol teg ac uchel ei barch. 

• Gwell lles a boddhad gweithwyr. 

• Hyfforddiant a chymorth mewn gwaith i roi addasiadau rhesymol ar waith yn y gweithle a chynlluniau Mynediad i Waith. 

• Gall cyflogeion brwdfrydig arwain at fwy o gynhyrchiant a chaniatáu i sefydliad gyflawni lefelau uwch o allbwn. 

• Mynediad i grwpiau heb gynrychiolaeth ddigonol yn y gweithle a gweithwyr mwy amrywiol. Mae gweithwyr o gefndiroedd amrywiol yn dod â thalentau a phrofiadau unigol, gan awgrymu syniadau sy'n hyblyg wrth addasu i ofynion y cwmni 

• Staff y mae eu sgiliau a'u harbenigedd yn cyfateb i'ch anghenion.  

• Cyfraddau gwell o ran cadw gweithwyr, cynhyrchiant uwch a gwell cysylltiadau â gweithwyr.  

• Staff â ffocws, ymroddedig a brwdfrydig sy’n fodlon ac yn gallu dechrau gweithio’n gyflym gan leihau amser a chostau recriwtio. 

Cwestiynau Cyffredin/Pryderon 

Ni fyddant yn gallu gwneud y swydd sydd ei hangen arnaf. 

Rydym yn darparu staff â diddordebau a sgiliau sy'n cyfateb i'ch cwmni - a oeddech chi'n gwybod bod pobl ag anawsterau iechyd meddwl yn cyfrannu £226 biliwn i economi'r DU? 

Bydd yn rhaid i mi wneud llawer o newidiadau i ddiwallu eu hanghenion? 

Yn aml, y cyfan sydd ei angen ar ein cleientiaid yw dealltwriaeth ac ymwybyddiaeth gan eu cyflogwyr, a byddem yn gallu eich cefnogi gydag unrhyw anghenion sydd gennych chi a'ch cyflogwr. 

Nid oes gennym y gallu i wneud addasiadau rhesymol. 

Efallai na fydd angen i chi wneud unrhyw rai. Os felly, gallwn eich cefnogi a'ch helpu i gael cefnogaeth gan Mynediad at Waith os oes angen. Mae'n rhaid iddo fod yn rhesymol i’r ddwy ochr. Rydym yma i'ch cefnogi chi a'r gweithiwr. 

Ydych chi'n cael eich talu i gael pobl oddi ar fudd-daliadau? 

Nid ydym yn derbyn unrhyw arian ar gyfer darparu’r gwasanaeth hwn, gan ein bod yn weithwyr y GIG. Rydym yn gweithio gydag asiantaethau iechyd i wella lles pobl trwy waith. Mae’r holl geiswyr gwaith a gefnogir drwy WE:THRIVE wedi atgyfeirio eu hunain neu wedi cael eu hatgyfeirio gan aelod o’u tîm iechyd, ac maent am weithio. 

Os yw hyn o ddiddordeb i chi, a’ch bod am helpu i wneud gwahaniaeth ystyrlon i fywydau’r rhai o’ch cwmpas yn ogystal â buddsoddi yn eich busnes, cysylltwch â ni ar IPS.PC.Cav@wales.nhs.uk