Cofrestru marwolaeth

Ni allwch gofrestru marwolaeth na chael Tystysgrif Marwolaeth yn yr ysbyty. Ar gyfer marwolaethau yn Ysbyty Athrofaol Cymru; gellir cofrestru’r farwolaeth yn:
 

Cardiff Register Office

King Edward VII Avenue

City Hall

Cardiff

CF10 3ND

Ffôn: 029 2087 1684
 

Ar gyfer marwolaethau yn Ysbyty’r Barri, Ysbyty Dewi Sant neu Ysbyty Athrofaol Llandochau; gellir cofrestru’r farwolaeth yn:
 

Vale of Glamorgan Register Office

Civic Offices

Holton Road

Barry

CF63 4RU

Ffôn: 01446 700111
 

Os ydych yn byw mewn ardal wahanol, mae’n bosibl cofrestru marwolaeth gyda Chofrestrydd sy’n lleol i chi. Cysylltwch â’r Cofrestryddion am ragor o wybodaeth.
 

Mae’n ofyniad cyfreithiol i gofrestru’r farwolaeth o fewn pum diwrnod gwaith i’r Dystysgrif Feddygol o Achos Marwolaeth gael ei chyflwyno gan yr ysbyty. Bydd y cyfnod hwn yn cael ei ymestyn os caiff y farwolaeth ei chyfeirio at Wasanaeth y Crwner.
 

Pwy all gofrestru marwolaeth:

- Rhywun oedd yn bresennol adeg y farwolaeth

- Cynrychiolydd o’r sefydliad/ysbyty lle digwyddodd y farwolaeth

- Y person sy’n cyfarwyddo’r trefnydd angladdau.
 

Bydd y Cofrestrydd yn rhoi tystysgrif (a elwir yn ffurflen werdd). Bydd y trefnydd angladdau yn gofyn am hon er mwyn rhoi’r awdurdod iddo barhau â’r trefniadau ar gyfer yr angladd. Byddwch yn derbyn Tystysgrif Marwolaeth; codir ffi am gopïau. Mae’n bosibl y bydd angen copïau arnoch ar gyfer banciau, cymdeithasau tai, cwmnïau yswiriant, cyfreithwyr neu ar gyfer hawlio pensiynau ac ati.