Gwasanaethau Deintyddol Cyffredinol
Mae'r Gwasanaeth Deintyddol Cyffredinol (GDS) yn darparu deintyddiaeth, archwiliadau a thriniaethau stryd fawr y GIG.
Mae Gwasanaethau Deintyddol Cyffredinol y GIG (GDS) yn cael eu darparu gan ymarferwyr deintyddol cyffredinol. Mae'r deintyddion hyn wedi'u contractio gan Fwrdd Iechyd lleol y GIG i ddarparu gofal a thriniaeth ddeintyddol gyffredinol i gleifion.
Bydd y GIG yn darparu triniaeth a chyngor hunanofal i gadw'ch ceg, eich dannedd a'ch deintgig yn iach ac yn rhydd o boen.
Mae pob practis deintyddol yn darparu'r ystod lawn o driniaethau'r GIG i gleifion rheolaidd, gan gynnwys mynediad at ofal brys yn ystod oriau gwaith arferol.
Bydd eich deintydd yn cynnig opsiynau triniaeth i chi sy'n briodol yn glinigol a bydd yn egluro pa driniaethau y gellir eu darparu ar y GIG a pha rai y gellir eu darparu'n breifat. Rhoddir syniad o’r pris hefyd.
Ble gallaf ddod o hyd i Bractis Deintyddol Cyffredinol?
Os ydych eisoes wedi cofrestru gyda deintydd y GIG ac angen gwneud apwyntiad ar gyfer triniaeth arferol, cysylltwch â’ch practis deintyddol yn uniongyrchol.
Os nad ydych wedi cofrestru gyda deintydd y GIG ar hyn o bryd, gallwch wneud cais am le ar-lein os:
- Ydych chi yn 16 mlwydd oed neu’n hŷn.
- Nad ydych chi wedi cael triniaeth ddeintyddol arferol y GIG yng Nghymru yn ystod y pedair blynedd diwethaf
- Rydych chi’n byw mewn cyfeiriad yng Nghaerdydd a Bro Morgannwg am fwy na chwe mis y flwyddyn, neu wedi cofrestru gyda Meddyg Teulu yng Nghaerdydd a Bro Morgannwg.
Gallwch ddefnyddio’r Porth Mynediad Deintyddol i wneud cais am le gyda deintydd GIG fel unigolyn a gallwch ychwanegu rhywun arall, fel plentyn o dan 16 oed.
Gallwch hefyd wneud cais ar ran rhywun arall, fel aelod o’r teulu, ffrind neu rywun rydych yn gofalu amdano neu y mae gennych berthynas o ymddiriedaeth â nhw.
Dylai eich practis deintyddol blaenorol allu cynnig apwyntiad i chi os ydych chi wedi cael triniaeth gyda nhw yn ystod y pedair blynedd diwethaf.