Gwasanaeth Rhywedd Cymru
Ar 1 Tachwedd 2024, yr amser aros presennol ar gyfer apwyntiad rhywedd cyntaf yw 20 mis; ar hyn o bryd rydym yn rhoi apwyntiadau i gleifion gafodd eu hatgyfeirio atom ym mis Mawrth/Ebrill 2023.
Polisi ar gyfer pobl nad ydynt yn mynychu: Os byddwch yn colli apwyntiad heb roi gwybod i ni, byddwn yn cynnig un apwyntiad pellach. Os na fyddwch yn mynychu'r apwyntiad hwn, cewch eich tynnu oddi ar ein rhestr aros a bydd angen i chi ddychwelyd at eich meddyg teulu a gofyn am atgyfeiriad newydd i Wasanaeth Rhywedd Cymru.
Sefydlwyd Gwasanaeth Rhywedd Cymru (GRhC) yn 2019. Mae GRhC yn gweithredu fel rhan o rwydwaith sy'n cynnwys clinigwyr lleol i sicrhau bod gofal yn cael ei gynnig yn nes at adref, drwy eich Bwrdd Iechyd Lleol.
Mae GRhC wedi’i leoli yn Ysbyty Dewi Sant yng Nghaerdydd. Gellir cynnal apwyntiadau yn GRhC ei hun, neu ar-lein, neu yng nghlinig ategol Gogledd Cymru yn Nhreffynnon. Mae cynlluniau i sefydlu mwy o glinigau ategol erbyn diwedd 2024.
Atgyfeirio i Wasanaeth Rhywedd Cymru
Gallwch gael mynediad i Wasanaeth Rhywedd Cymru os ydych dros 18 oed ac wedi cofrestru gyda meddyg teulu yng Nghymru. Dylech ofyn i'ch meddyg teulu wneud atgyfeiriad electronig. Os nad ydynt yn siŵr sut i wneud hyn, gallant gysylltu â ni a byddwn yn eu helpu gyda'r broses.
Gallwn dderbyn atgyfeiriadau gan feddygon teulu ar gyfer cleifion sy'n 17 oed neu'n hŷn; ond dylech chi a'ch meddyg teulu ddeall na fyddwch yn dod yn glaf i GRhC nes eich bod wedi troi'n 18 oed, a bydd y cyfrifoldeb yn parhau gyda'ch meddyg teulu tan y pwynt hwnnw.
Dylai cleifion o dan 17 oed sy'n dymuno defnyddio gwasanaethau rhywedd ofyn i'w meddyg teulu am atgyfeiriad i’r Gwasanaethau Iechyd Meddwl Plant ac Oedolion (CAMHS) yn y lle cyntaf. Unwaith bydd person ifanc yn cyrraedd 17 oed, dylid trosglwyddo ei ffeil i GRhC yn awtomatig.
Beth sy'n digwydd ar ôl atgyfeirio?
Byddwch yn ymuno â rhestr aros GRhC; pan fyddwch yn symud tuag at y brig byddwch yn cael galwad ffôn i drefnu apwyntiad; ar ôl hyn, byddwch yn derbyn llythyr i gadarnhau'r manylion. Os ydych wedi optio i mewn, byddwch hefyd yn derbyn negeseuon testun yn eich atgoffa am eich apwyntiad.
Os na allwn gysylltu â chi dros y ffôn, byddwn yn anfon llythyr atoch yn gofyn i chi gysylltu â ni ac mae'n bwysig iawn eich bod yn gwneud hyn o fewn pythefnos i dderbyn y llythyr. Os na fyddwn yn clywed oddi wrthych, byddwn yn tybio nad oes angen apwyntiad arnoch mwyach.
Yn anffodus, nid yw nifer uchel o gleifion yn mynychu eu hapwyntiadau yng Ngwasanaeth Rhywedd Cymru, ac mae hyn yn golygu amseroedd aros hirach i bawb ar ein rhestr. Os ydych yn gwybod na fyddwch yn gallu mynychu eich apwyntiad ymlaen llaw, ffoniwch ni ar 029 2183 6619 er mwyn i ni allu aildrefnu a chynnig y slot i rywun arall.
Apwyntiadau a thaith cleifion
Yn dilyn eich apwyntiad cyntaf, mae yna wahanol gamau i daith y claf, a ddarperir gan wahanol ddarparwyr. Mae'r tabl isod yn rhoi esboniad o'r hyn y gallai eich llwybr gynnwys.
Cam ar y llwybr |
Beth i’w ddisgwyl |
Darparwr |
|
Asesiad cychwynnol ac apwyntiadau diagnostig
|
Mae'r apwyntiadau hyn fel arfer yn para 60-90 munud, a byddant yn caniatáu i'r clinigwr ddeall eich hanes a'ch profiadau a phenderfynu ar y camau nesaf gyda chi. |
Gwasanaeth Rhywedd Cymru |
|
Apwyntiadau dilynol |
Adolygu cynnydd ar hyd y llwybr ac ystyried camau pellach, os yw'n briodol. |
Gwasanaeth Rhywedd Cymru |
|
Adolygiad endocrin
|
Cefnogi cynllun triniaeth priodol ar gyfer cleifion sydd â hanes meddygol mwy cymhleth. |
Gwasanaeth Rhywedd Cymru |
|
Therapi seicolegol
|
Gall therapi neu gymorth seicolegol fod yn briodol i rai cleifion; mae amrywiaeth o ymyriadau ar gael. Mae galw mawr am y gwasanaeth hwn felly mae'n bosibl y bydd yn rhaid aros cyn y byddwch yn cael cynnig apwyntiad. |
Gwasanaeth Rhywedd Cymru |
|
Therapi hormonau
|
Bydd y rhan fwyaf o gleifion yn cael therapi hormonau sy'n cadarnhau rhywedd (GAHT) fel rhan o'u llwybr triniaeth. Bydd GRhC yn gwneud argymhelliad ac yna'n eich atgyfeirio i’r Tîm Rhywedd Lleol (TRhLl) i gydlynu eich triniaeth. Nid yw'r GRhC yn cadw gwybodaeth am amseroedd aros ar gyfer TRhLlau felly bydd angen i chi gysylltu â nhw'n uniongyrchol os oes gennych unrhyw ymholiadau. |
Bwrdd Iechyd Lleol – trwy'r Tîm Rhywedd Lleol (TRhLl) i ddechrau; wedyn meddyg teulu |
|
Atgyfeiriad llawfeddygol
|
Cynhelir llawdriniaethau sy’n cadarnhau rhywedd i’r frest a’r organau rhywiol mewn nifer o ganolfannau ledled Lloegr a gofynnir i chi am eich dewis; bydd hyn yn cael ei gynnwys yn eich atgyfeiriad. I gael mynediad i lwybr llawdriniaeth yr organau rhywiol, bydd angen i chi weld clinigwr annibynnol i gael adolygiad ar ôl i chi weld clinigydd GRhC; byddwn yn trefnu hyn i chi. Anfonir atgyfeiriadau i Wasanaeth Cymorth Atgyfeirio Cenedlaethol Dysfforia Rhywedd (GCACDRh) y GIG - a elwir hefyd yn Ganolfan Lawfeddygol. Fe'ch hysbysir unwaith y bydd eich atgyfeiriad wedi'i brosesu. Nid yw GRhC yn cadw gwybodaeth am amseroedd aros ar gyfer llawdriniaethau, felly bydd angen i chi gysylltu â’r Ganolfan yn uniongyrchol os oes gennych unrhyw ymholiadau. |
Rhwydwaith llawfeddygol GIG Lloegr |
|
Cadw ffrwythlondeb
|
Os oes angen cadw ffrwythlondeb arnoch, mae dau opsiwn. Bydd cleifion Canolbarth a De Cymru yn cael eu hatgyfeirio'n uniongyrchol gan GRhC i Sefydliad Ffrwythlondeb Cymru (SFfC). Bydd atgyfeiriadau ar gyfer cleifion Gogledd Cymru yn cael eu trefnu gan y Tîm Rhywedd Lleol ar ôl i brofion cychwynnol ddod i ben. |
Sefydliad Ffrwythlondeb Cymru neu Ganolfan Hewitt |
|
|
Os yw hyn yn cael ei argymell, gall naill ai GRhC neu eich meddyg teulu eich atgyfeirio. Mewn rhai byrddau iechyd, gall cleifion atgyfeirio eu hunain. |
Bwrdd Iechyd Lleol (drwy atgyfeiriad meddyg teulu) |
|
Chymorth Cymheiriaid
|
Rydym yn ffurfio partneriaeth gydag Umbrella Cymru i gynnig cymorth cymheiriaid i gleifion a allai elwa o hyn. Gallwch hefyd atgyfeirio eich hun ar unrhyw adeg – manylion cyswllt isod |
Umbrella Cymru |
Manylion Cyswllt
Gwasanaeth Rhywedd CymruRydym yn croesawu galwadau ffôn yn Gymraeg a Saesneg. |
|
|
Ymholiadau cyffredinol |
029 2183 6612 neu cav.wgs_enquiries@wales.nhs.uk
|
|
Ymholiadau apwyntiadau |
029 2183 6619 neu cav.wgs_enquiries@wales.nhs.uk
|
Canolfan Lawfeddygol (GCACDRh) |
|
|
Ymholiadau Cyffredinol
|
0300 131 6775 neu agem.gdnrss@nhs.net
|
|
Sylwch na all Gwasanaeth Rhywedd Cymru weld unrhyw wybodaeth am eich atgyfeiriad llawfeddygol unwaith y bydd wedi cael ei drosglwyddo i'r Ganolfan.
|
|
Timau Rhywedd LleolRydym yn croesawu galwadau ffôn yn Gymraeg a Saesneg. |
|
|
Betsi Cadwaladr |
03000 85 66 88 |
|
Caerdydd a'r Fro |
localgenderservice.team.cav@wales.nhs.uk neu 07912 471661 |
|
Cwm Taf |
CTM.LGT@wales.nhs.uk |
|
Hywel Dda |
|
|
Powys |
01654 702224 |
|
Bae Abertawe |
SBU.LocalGenderService@wales.nhs.uk 01792 285005 |
|
Cofiwch nad yw Timau Rhywedd Lleol yn gweithredu'n llawn amser, felly efallai y bydd oedi cyn ymateb i'ch neges. Nid yw Gwasanaeth Rhywedd Cymru yn gallu gweld unrhyw wybodaeth am apwyntiadau, amserau aros, na chanlyniadau profion gwaed Tîmau Rhywedd Lleol.
|
|
Umbrella Cymru |
|
|
Gwefan |
https://www.umbrellacymru.co.uk/ |
|
Neges llais |
0300 302 3670 |
|
Testun |
07520645700 |