Os oes gennych gyflwr metabolig acíwt ac yn mynd yn ddifrifol wael ar unrhyw adeg o'r dydd neu'r nos:
Mae Cymru yn dilyn cyngor y Cydbwyllgor ar Imiwneiddio a Brechu (JCVI) ar bwy sy'n gymwys i gael brechlynnau COVID-19. Bydd y bobl sy'n wynebu'r risg fwyaf o salwch difrifol o haint COVID-19 yn cael cynnig brechiad COVID-19. Rydym yn argymell eich bod yn cael eich brechiad cyn gynted ag y caiff ei gynnig i chi.
Ceir rhagor o wybodaeth am y brechlyn COVID-19 yma (yn agor mewn dolen newydd).
Yn gyffredinol, yr un bobl sy'n wynebu risg uchel o COVID-19 â'r rhai sydd mewn mwy o berygl o fynd yn sâl iawn gyda'r ffliw. Os ydych chi'n meddwl efallai eich bod wedi methu'r gwahoddiad i gael brechiad y ffliw, cysylltwch â'ch meddyg teulu neu'ch fferyllfa gymunedol.
Ceir rhagor o wybodaeth am y brechlyn ffliw yma (yn agor mewn dolen newydd).
Mae Cynllun Allwedd RADAR neu Gynllun Allwedd Cenedlaethol (NKS) yn cynnig mynediad annibynnol i bobl anabl i doiledau cyhoeddus dan glo ledled y wlad. Gweithiodd y Gymdeithas Frenhinol ar gyfer Anabledd ac Adferiad, a bellach a elwir yn Disability Rights UK, mewn partneriaeth â Nicholls & Clarke, dyfeiswyr clo RADAR a gyda'i gilydd fe wnaethant greu'r Cynllun Allwedd Cenedlaethol (NKS). Cafodd y cloeon RADAR cyntaf eu gosod yn 1981 i helpu i gadw toiledau hygyrch yn rhydd rhag fandaliaeth a chamddefnydd.
I gael rhagor o wybodaeth am allweddi a lleoliadau RADAR, a lle gellir prynu allwedd, cysylltwch â'ch cyngor lleol neu Disability Rights UK (agor mewn dolen newydd). I ddarganfod os oes toiledau RADAR ger eich cyrchfan deithio, gallwch ddefnyddio gwefan Map Toiledau Cyhoeddus Prydain Fawr - Great British Public Toilet Map (agor mewn dolen newydd).
Mae toiledau Changing Places (agor mewn dolen newydd) yn cynnig offer a chyfleusterau ychwanegol, uwchlaw toiled hygyrch safonol. Maent wedi'u cynllunio i ganiatáu i bobl ag anableddau mwy cymhleth ddefnyddio'r toiledau yn ddiogel ac yn gyfforddus. Defnyddiwch map Changing Places (agor mewn dolen newydd) i ddod o hyd i doiled yn eich ardal chi.