Neidio i'r prif gynnwy

Gwasanaeth Clefyd Metabolaidd Etifeddol Cymru Gyfan i Oedolion

Gwasanaeth Clefyd Metabolaidd Etifeddol Cymru Gyfan [logo]

Mae Gwasanaeth Clefyd Metabolaidd Etifeddol Cymru Gyfan i Oedolion yn stori lwyddiant. Wedi'i sefydlu yn 2016, rydym yn Wasanaeth Trydyddol, wedi'i ariannu gan Gydbwyllgor Comisiynu GIG Cymru (CBCGC) ar gyfer Anhwylderau Metabolaidd Etifeddol Cyffredinol ac Anhwylderau Storio Lysosomal, a'r Adran Iechyd (DoH) yn Lloegr ar gyfer y Gwasanaeth Porffyria Acíwt Cenedlaethol (NAPS).

Ein gweledigaeth yw i bob claf yng Nghymru allu derbyn gofal o ansawdd uchel ble bynnag y mae eu cartref. Mae ein clinigau cleifion allanol wedi’u lleoli yn yr adrannau cleifion allanol yn Ysbyty Athrofaol Cymru, Ysbyty Athrofaol Llandochau, Ysbyty Maelor Wrecsam (agor mewn dolen newydd) ac Ysbyty Cymuned Dinbych (agor mewn dolen newydd). Rydym yn derbyn atgyfeiriadau gan weithwyr gofal iechyd proffesiynol eraill ac yn croesawu cleifion sy’n symud o’r clinigau metabolaidd pediatrig i’n gwasanaeth yn rheolaidd; proses a elwir yn bontio.

Darllenwch fwy am Glefydau Metabolaidd Etifeddol.

Cysylltwch â ni

Os hoffech gysylltu â ni gydag ymholiadau nad ydynt yn rhai brys gallwch wneud hynny rhwng 9:00yb a 4:00yh yn ystod yr wythnos. Rydym yn croesawu galwadau ffôn yn Gymraeg a Saesneg.

Ymholiadau cleifion Anwhylderau Metabolaidd Etifeddol ac Anhwylderau Storio Lysosomaidd
Ymholiadau cleifion Seicoleg Glinigol
Ymholiadau cleifion Dietetig
Ymholiadau cleifion Porffyria

 

Os oes gennych gyflwr metabolig acíwt ac yn mynd yn ddifrifol wael ar unrhyw adeg o’r dydd neu’r nos:

  1. dechreuwch eich canllaw argyfwng geneuol ar unwaith
  2. peidiwch ag oedi cyn mynd i’r ysbyty tra’n ceisio cysylltu â ni
  3. ewch â’ch canllaw brys gyda chi, sy’n cynnwys gwybodaeth ar sut y gall timau derbyn gysylltu â ni
  4. ewch â’ch holl feddyginiaethau rheolaidd gyda chi

 

Ar gyfer gweithwyr gofal iechyd proffesiynol

Gellir dod o hyd i ganllawiau manwl ar gyfer rheoli cyflyrau metabolaidd acíwt mewn achos o argyfwng ar wefan British Inherited Metabolic Disease Group (BIMDG) (agor mewn dolen newydd).

Mewn achos o argyfwng, ceisiwch gysylltu ag Ymgynghorydd Metabolaidd. Sylwch fod yr Ymgynghorwyr Metabolaidd yn dymuno annog cyswllt meddygol.

Sylwer: Nid oes gwasanaeth meddygol ar alwad ffurfiol y tu allan i oriau ar gyfer Gwasanaeth Clefyd Metabolaidd Etifeddol Cymru Gyfan, ond gellir cysylltu ag ymgynghorwyr trwy switsfwrdd Ysbyty Athrofaol Cymru (029 218 47747) os oes angen cyngor brys, er na ellir gwarantu y byddant ar gael.

Dilynwch ni