Gwasanaeth Llygaid Artiffisial Cymru (WAES) yw unig ddarparwr cenedlaethol y gwasanaeth llygaid artiffisial i Gymru. Comisiynwyd WAES i ddarparu llygaid artiffisial at ddibenion seicolegol, cymdeithasol a chosmetig i bobl ar draws nifer o safleoedd yng Nghymru. Darperir WAES gan y Gwasanaeth Aelodau Artiffisial a Chyfarpar (ALAS) ym Mwrdd Iechyd Prifysgol Caerdydd a’r Fro, ac mae’n darparu gwasanaeth i tua 1,750 o gleifion actif ledled Cymru. Mae tua 80 o atgyfeiriadau newydd i’r gwasanaeth y flwyddyn, a derbynnir y rhain yn gyffredinol yn dilyn trawma, llawdriniaeth, canser neu gyflwr cynhenid y llygad.
Mae llygad artiffisial yn ddyfais feddygol wedi'i gwneud yn arbennig a weithgynhyrchir o polymethylmethacrylate gradd feddygol (PMMA) sy'n disodli llygad byw absennol neu'n gorchuddio llygad sydd wedi’i difrodi i wella cosmesis, llenwi'r diffyg cyfaint a chynnal siâp y soced llygad. Mae pob llygad artiffisial wedi'i wneud yn arbennig ac wedi'i weithgynhyrchu o bresgripsiwn a ddyluniwyd gan Ociwlarydd neu Brosthetydd Orbitol yn unol â Rheoliadau Dyfeisiau Meddygol (MDR). Mae colli llygad neu lygaid yn gyflwr gydol oes, ond dylid cydnabod y gellir rheoli colli golwg yn effeithiol trwy wasanaethau adsefydlu arbenigol a chymorth ail-alluogi a gall wella ansawdd bywyd ac annibyniaeth y claf unigol.
Mae’r prif hwb wedi’i leoli yn y Ganolfan Aelodau Artiffisial a Chyfarpar (ALAC) 18-20 Fairwater Road, Llandaf, Caerdydd CF5 2YN
Cynhelir clinigau cleifion allanol yn:
· ALAC Wrecsam (ALAS) Giât 7, Ysbyty Maelor Wrecsam, Ffordd Rosinweed, Wrecsam. LL13 7NT
· Ysbyty Abergele – Uned Llygaid Stanley, Ysbyty Abergele, Ffordd Llanfair, Abergele, Conwy. LL22 8DP
· Ysbyty Cymunedol Bae Colwyn, Ffordd Heskett, Bae Colwyn. LL29 8AY
· Ysbyty Bro Ddyfi Machynlleth, Heol Maengwyn, Machynlleth, Powys. SY20 8AD
· Canolfan Adsefydlu Arbenigol, Ysbyty Treforys, Abertawe. SA6 6LG
Polisi Comisiynu WHSCC: CP238 – Gwasanaeth Llygaid Artiffisial Cymru (WAES)
I gysylltu â'r Gwasanaeth Llygaid, ffoniwch 02921 848100 ac yna dewiswch opsiwn 4 ar gyfer y Gwasanaeth Prosthetig Orbitol.