Clinig SWAN (Syndrom Heb Enw)

Clinig cyntaf y DU sy’n edrych ar fyrhau ‘taith ddiagnostig’ y rhai â chlefydau prin heb ddiagnosis ledled Cymru. 

Mae clefydau prin yn broblem iechyd sylweddol sy’n gysylltiedig â chanlyniadau gwael.  Mae clefydau prin yn effeithio ar 1 o bob 2000 neu lai o gleifion. Mae’r amser cyn cael diagnosis i rai cleifion yn sylweddol.  Mae natur gwasanaethau i gleifion sydd â chlefydau prin yn newid yn gyflym.  Mae datblygiadau mawr o ran profi, yn enwedig profion genetig, sy’n golygu y gallai’r “Daith Ddiagnostig” i lawer o gleifion gael ei chwtogi’n sylweddol lle nad yw diagnosis wedi bod yn bosibl eto.

Ar hyn o bryd, rydym yn derbyn atgyfeiriadau ar gyfer cleifion pediatrig ac oedolion gan gydweithwyr ar lefel meddygon ymgynghorol, lle mae’r claf yn gysylltiedig â dwy system neu fwy ac mae ganddynt achos posibl o ddiagnosis isorweddol unedig. Efallai bod ganddynt gamffurfiadau cynhenid neu ddysmorffiad sy’n awgrymu anhwylder monogenig isorweddol. Y disgwyl yw bod ymchwiliad rhesymol heb nodi diagnosis wedi cael ei gynnal yn y gorffennol.

Nid yw’r clinig hwn yn cymryd cyfrifoldeb dros ofal clinigol y claf; cyfrifoldeb y Meddyg Ymgynghorol a wnaeth yr atgyfeiriad yw hwnnw.

Clinigau SWAN

Mae ein gwasanaethau clinig SWAN wedi’u lleoli’n bennaf yn yr adrannau cleifion allanol yn Ysbyty Athrofaol Cymru ac Ysbyty Arch Noa i Blant Cymru.

Os cewch eich derbyn i’r Clinig SWAN byddwch yn derbyn galwad(au) ffôn gan y nyrsys clinigol arbenigol, cwnselwyr genetig neu’r cymrodyr clinigol. Byddant yn trafod eich atgyfeiriad, yr hyn rydych chi’n gobeithio ei gael gan y clinig, sut mae’r clinig yn gweithio, a chyfeirio at gymorth/gwasanaethau perthnasol nad ydych o bosibl yn ymwybodol ohonynt, i helpu gyda’ch anghenion meddygol, a rhai nad ydynt yn feddygol, sydd heb eu diwallu. 

Pwy fydda i’n ei weld?

Mae Clinig SWAN yn dîm amlddisgyblaethol sy’n cynnwys llawer o arbenigwyr sydd â diddordeb mewn Clefydau Prin gan gynnwys, ond heb fod yn gyfyngedig i, geneteg,  imiwnoleg a phediatreg. 

• Yr Athro Stephen Jolles
  Imiwnolegydd Clinigol Ymgynghorol, Arweinydd Oedolion ar gyfer Clinig SWAN
• Dr Ian Tully
  Genetegydd Ymgynghorol, Arweinydd Genetig Oedolion ar gyfer Clinig SWAN
• Dr Mark Ponsford
  Meddyg Ymgynghorol, Alergeddau, Imiwnoleg Glinigol a Labordy, Clinig SWAN i Oedolion
• Dr Jennifer Gardner
  Genetegydd Ymgynghorol, Arweinydd Genetig Pediatrig ar gyfer Clinig SWAN
• Dr Martin Edwards
  Pediatregydd Ymgynghorol, Arweinydd Pediatrig Cyffredinol ar gyfer Clinig SWAN

Pwy arall fydda i’n ei weld?

Mae Clinig SWAN hefyd yn cynnwys nyrsys clinigol arbenigol, cymrodyr meddygol a chwnselydd genetig.

• Zoe Morrison
  Nyrs Glinigol Arbenigol Pediatrig SWAN
• Lana Murrell
  Nyrs Glinigol Arbenigol Clinig SWAN i Oedolion
• Dr Matthew Spencer
  Cymrawd Clinigol Meddygol Pediatrig
• Dr Mohammad Abdelrazek
  Cymrawd Clinigol Meddygol Pediatrig
• Dr Hussein Alhafez
  Cymrawd Clinigol Meddygol Oedolion
• Dr Ceri Haddon
  Cymrawd Clinigol Meddygol Oedolion

Aelodau eraill o’r tîm

• Dr Graham Shortland OBE
  Pediatregydd Ymgynghorol / Arweinydd SWAN
• Emily Carne
  Nyrs Ymgynghorol mewn Imiwnoleg
• Hywel Williams
  Biowybodegydd 

Cysylltu â ni

Os hoffech atgyfeirio cleifion i Glinig SWAN, nodwch “SWAN Referral” a’u hanfon at:

Swan.Clinic.CAV@wales.nhs.uk