Cynllun Cludiant

Wrth i'r gwaith fynd rhagddo ar Feddygfa newydd Rhydlafar, rydym yn cydnabod bod mynediad a thrafnidiaeth yn faterion pwysig i lawer o drigolion. Yn ystod yr ymgysylltu, dyma oedd un o'r pryderon a godwyd amlaf.

Cydnabuwyd y gallai fod yn anodd i'r rhai sy'n byw y tu allan i Rydlafar gael mynediad at Rydlafar, felly daeth cynrychiolwyr o'r Bwrdd Iechyd, cydweithwyr yn y practis, Cynghorau Cymuned a Grŵp Preswylwyr ynghyd i drafod a chytuno ar sut y gellid goresgyn y broblem. Sicrhaodd y gwaith hwn na fyddai neb dan anfantais o ran cael mynediad at wasanaethau gofal iechyd.

Cytunwyd y byddai'r Bwrdd Iechyd yn hwyluso gwasanaeth tacsi i'r unigolion hynny a oedd yn gweithredu o dan Gytundeb Lefel Gwasanaeth (SLA) presennol y Bwrdd Iechyd. Bydd mynediad i'r gwasanaeth yn cael ei reoli gan y practis a bydd yn seiliedig ar 'gymhwysedd' am gyfnod cychwynnol o 12 mis i fesur y galw a bydd yn llywio datrysiad trafnidiaeth gymunedol tymor hirach.

Mae'r canlynol yn disgrifio sut y bydd y gwasanaeth tacsi yn gweithio:

Os oes gennych unrhyw gwestiynau neu bryderon, cysylltwch â:

Gwybodaeth Bwysig am Gludiant Cleifion

1. Cysylltu â'r feddygfa

Pan fyddwch chi'n cysylltu â'r feddygfa, bydd y triniwr galwadau yn gofyn am eich pryder iechyd.

Asesiad gan y triniwr galwadau

Bydd y triniwr galwadau yn casglu’r wybodaeth ganlynol:

Natur eich pryder iechyd
A yw apwyntiad wyneb yn wyneb yn briodol, neu
Os yw llwybr amgen (heb fod wyneb yn wyneb) yn addas.

Os oes angen apwyntiad wyneb yn wyneb, bydd apwyntiad yn cael ei drefnu.

Rhaid i glaf sydd angen cludiant hysbysu'r triniwr galwadau.

Os oes angen cludiant, bydd yr apwyntiad yn cael ei drefnu ar gyfer yn hwyrach yn y bore neu ddechrau'r prynhawn.

Os NAD oes angen apwyntiad wyneb yn wyneb, fel gyda phob claf, efallai y cynigir y canlynol i chi:

Cynllun Mân Anhwylderau (gwasanaethau fferyllfa)
Ymgynghoriad dros y ffôn / fideo
Anfon lluniau drwy e-bost
Atgyfeiriad at wasanaeth arall
Optegydd neu ddeintydd

2. Adolygiad clinigol

Caiff pob apwyntiad wyneb yn wyneb ei adolygu gan glinigwr a fydd yn cysylltu â'r claf os oes llwybr amgen ar gael.

Noder

Os nad oes gennych unrhyw fath o gludiant, bydd y feddygfa yn trefnu tacsi i chi. Darperir cludiant ar gyfer angen clinigol, nid hwylustod.

Trefnu tacsi:

Trefnir eich casglu ar ddiwedd meddygfa’r bore neu ddechrau meddygfa’r prynhawn.

Trefnir teithiau grŵp lle bo modd.

Man codi Pentyrch fydd y safle bws (gyda chysgodfan) gyferbyn â siop Premier ar High Corner.

Byddwch yn cael gwybod faint o’r gloch y cewch eich casglu a manylion am eich taith adref, os oes angen.

Mae'r practis yn cofnodi'r defnydd o gludiant at ddibenion archwilio.

Mae rhagor o wybodaeth am wasanaethau bysiau ar gael yma: https://www.cardiffbus.com/