Nyrsys yw'r grŵp staff mwyaf yn y GIG ac maent yn chwarae rhan hanfodol wrth ddarparu gofal ymarferol i gleifion fel rhan o dimau amlddisgyblaethol. Maent yn cefnogi pobl o bob oed a chefndir ar draws amrywiaeth o leoliadau — o wardiau ysbytai a theatrau llawdriniaeth i Adrannau Achosion Brys, ysgolion, carchardai a chartrefi cleifion.
Mae yna lawer o wahanol fathau o nyrsys, gan gynnwys Nyrsys Oedolion, Plant, Ardal, Ymarfer Cyffredinol, Anabledd Dysgu, Iechyd Meddwl, Newyddenedigol, Iechyd Galwedigaethol, Carchar, a Theatr.
Mae hyfforddiant yn dechrau yn un o bedwar maes craidd nyrsio: Oedolion, Plant, Anableddau Dysgu, neu Iechyd Meddwl. O'r fan honno, gall nyrsys ddewis o ystod eang o lwybrau gyrfa a rolau arbenigol.
Os ydych chi'n ofalgar, yn dosturiol, ac wedi ymrwymo i wneud gwahaniaeth, mae yna rôl nyrsio sy’n addas i chi.