Madhu Raut yw’r Dirprwy Arweinydd Tîm ar gyfer Theatrau Offthalmig ym Mwrdd Iechyd Prifysgol Caerdydd a’r Fro.
Mae'r rôl hon yn cynnwys arwain yr uned cataract, sicrhau llawdriniaethau llyfn, a darparu gofal cleifion o ansawdd uchel yn y maes offthalmig.
“Yr hyn sy’n gwneud fy rôl yn unigryw yw’r cyfuniad o arweinyddiaeth, arbenigedd technegol, a’r cyfle i gael effaith gadarnhaol ar weledigaeth ac ansawdd bywyd cleifion.”
Cwblhaodd Madhu ei radd nyrsio yn India a gweithiodd am 8 mlynedd yn un o ysbytai mwyaf Asia, lle cafodd brofiad helaeth mewn nyrsio theatr orthopedig.
“Dewisais nyrsio oherwydd ei fod yn caniatáu i mi wasanaethu pobl yn ystod eu munudau mwyaf bregus, gan ddod â chysur ac iachâd. Mae’r llawenydd o weld cleifion yn gwella a gwybod fy mod wedi gwneud gwahaniaeth yn eu bywydau yn rhoi boddhad mawr.”
Ar ôl cyrraedd y DU, cwblhaodd yr Archwiliad Clinigol Strwythuredig Gwrthrychol (OSCE) a chymhwysodd fel nyrs gofrestredig yn y DU. “Ers hynny, rwyf wedi cael y cyfle i arwain yr uned cataract a sicrhau swydd Band 6 trwy fy ymroddiad a’m hangerdd dros nyrsio” meddai.
“Rwyf wir yn gwerthfawrogi’r gweithlu cynhwysol ym Mwrdd Iechyd Prifysgol Caerdydd a’r Fro, lle mae pawb yn gefnogol ac yn gydweithredol. Mae'r amgylchedd yn meithrin twf personol a phroffesiynol, gan ei wneud yn lle gwych i weithio ynddo” meddai Madhu.
Rydym yn croesawu galwadau ffôn yn Gymraeg, Saesneg a Iaith Arwyddion Prydain (BSL) via SignVideo.
We welcome phone calls in Welsh, English and British Sign Language via via SignVideo.