Nyrsio
Mae Bwrdd Iechyd Prifysgol Caerdydd a’r Fro yn darparu gwasanaethau gofal iechyd lleol i bobl yng Nghaerdydd a Bro Morgannwg, a’r Bwrdd yw’r prif ddarparwr gwasanaethau arbenigol i bobl yn ne Cymru, ac ar gyfer rhai gwasanaethau, Cymru gyfan a’r DU yn ehangach.
Mae gennym ystod eang o swyddi nyrsio ar gael ar draws y Bwrdd Iechyd ac rydym yn chwilio am unigolion brwdfrydig i ymuno â ni. Mae’r meysydd arbenigol yn cynnwys Iechyd Meddwl Oedolion, Adsefydlu’r Asgwrn Cefn a Chardiothorasig. Rydym yn falch o allu creu amgylchedd cefnogol i’n staff ddatblygu a ffynnu.
Pam dewis Caerdydd a’r Fro?
-
Rydym yn sefydliad addysgu ac ymchwil mawr sydd â chysylltiadau agos â’r Prifysgolion, a gyda’n gilydd rydym yn hyfforddi’r genhedlaeth nesaf o’n gweithlu.
-
Rydym yn darparu cyfran fawr o’r gweithgarwch ymchwil yng Nghymru ac yn falch o fod ar y rheng flaen o safbwynt triniaethau a therapïau newydd sy’n ddyfeisgar ac yn arloesol.
-
Rydym yn falch o allu creu amgylchedd cefnogol i’n staff ddatblygu a ffynnu.
-
Rydym yn aelodau o sefydliad uchel ei bri Florence Nightingale Foundation, sy’n cynnig dewis eang o gyfleoedd dysgu a datblygu i nyrsys ar bob lefel.
Gallwch ddarganfod mwy am Gaerdydd a’i hardaloedd cyfagos trwy glicio yma.
