Mae staff fferyllfa yn gweithio yn yr ysbyty, y gymuned a phractisau meddygon teulu yn monitro ac yn rhoi meddyginiaeth i gleifion.

Mae fferyllwyr yn chwarae rhan hanfodol wrth helpu pobl i fyw bywydau hirach ac iachach. Maent yn gwneud gwahaniaeth gwirioneddol i fywydau pobl trwy eu gwybodaeth arbenigol trwy sicrhau defnydd diogel o feddyginiaethau a darparu cyngor gofal iechyd dibynadwy.

Os ydych chi'n angerddol am wyddoniaeth ac eisiau gwella gofal cleifion, mae gyrfa mewn fferylliaeth yn cynnig llwybr gwerth chweil ac amrywiol. Mae fferyllwyr yn hanfodol ar draws llawer o ddiwydiannau, gan gyfuno arbenigedd gwyddonol ag ymrwymiad i iechyd gwell. 

 Fel fferyllydd, byddwch yn darparu gofal ar draws ystod o leoliadau, yn aml yng nghanol cymunedau lleol, i helpu pobl i aros yn iach, delio â’u meddyginiaethau, a byw bywydau iachach.

Mae cydweithio yn rhan allweddol o'r rôl.  Byddwch chi'n gweithio ochr yn ochr â meddygon, nyrsys a gweithwyr gofal iechyd proffesiynol eraill, gan ddefnyddio tystiolaeth wyddonol i ddarparu gofal diogel ac effeithiol a sicrhau bod cleifion yn cael y canlyniadau gorau o'u triniaeth.

Bydd pob fferyllydd hefyd yn gymwys i ragnodi ar ôl iddynt gwblhau eu hyfforddiant. 

Mae yna lawer o rolau eraill heblaw fferyllydd yn unig, fel Technegydd Fferyllfa, Cynorthwyydd Fferyllfa, Staff Cymorth a Biocemeg Glinigol.